Vadmaro
Tiu ĉi artikolo temas pri la vadmaro en Germana Golfo. Se vi serĉas informojn pri aliaj vadmaroj aŭ vadmaro ĝenerale, vidu la paĝon Vadmaro (ĝenerale). |
Vadmaro | ||
---|---|---|
Monda heredaĵo | ||
La okcidenta parto de la Vadmaro | ||
Landoj | Nederlando Germanio Danio | |
Tipo | natura heredaĵo | |
Kriterioj | viii, ix, x | |
Fonto | 1314 | |
Regiono** | Eŭropo | |
Registra historio | ||
Registrado | 2009 (n.k. sesio) | |
* Traduko de la nomo en la listo de la monda heredaĵo. ** Regiono laŭ Unesko. | ||
La Vadmaro aŭ Vadomaro (Wattenmeer germane, Waddenzee nederlande, Waadsee frise, Wattensee platdiĉe, Vadehavet dane) estas la nomo por interna maro kaj ĝia marborda malseka areo situante inter parto de la marbordo de nordokcidenta kontinenta Eŭropo kaj la Norda Maro.
La Vadmaro etendiĝas de Den Helder en Nederlando en la sudokcidento, trans la riverelfluejoj de Germanio al ĝia norda limo je Esbjerg en Danlando kun totala longeco de proks. 450 km, larĝeco inter 5 kaj 30 km kaj areo de proks. 10.000 km².
La limo inter la Vadmaro kaj la Norda Maro estas formata en Nederlando de la Okcident-Frisaj Insuloj, en Germanio de la Orient-Frisaj Insuloj kaj en Danlando de la Nord-Frisaj Insuloj.
La Vadmaro estas fama pro la riĉa faŭno kaj flaŭro. Hodiaŭ, granda parto de la Vadmaro estas protektata en kunlaboro de ĉiuj tri landoj. Spertaj gvidantoj proponas “vadmigradojn”, apartajn ekskursojn en tiu pejzaĝo por klarigi pri la tipaj kondiĉoj kaj la bestoj de la vado.