Vidi fonton por Nordbirmaj mezvarmaj arbaroj

{{Informkesto geografiaĵo|arbaro
|kategorio=ekoregiono
|regiono-ISO=MM
|mapo=Ecoregion IM0402.svg
|mapo priskribo=Situo de la ekoregiono.
}}
La '''nordbirmaj mezvarmaj arbaroj''' estas tersupraĵa [[ekoregiono]] el la [[Hindoĉinujo|hindoĉina]] [[ekoprovinco]] de la [[Orientaliso|orientalisa]] [[ekozono]] laŭ la [[tipologio]] de la [[Monda Natur-Fonduso]] (WWF). [[Biomo|Biome]] ĝi apartenas al [[mezvarmaj foliaj kaj miksaj arbaroj]] de la montaroj de ekstremnorda [[Birmo]]. La ekoregiono estas parto de la [[tutmondaj 200]]-regiono "[[orient-himalajaj foliaj kaj koniferaj arbaroj]]". La ekoregiono ankaŭ situas en la [[Hindoĉina biodiverseco-riĉaĵejo]].
==Priskribo==
La nordbirmaj mezvarmaj arbaroj okupas la sudajn [[deklivo]]jn de Namkiu-Montaro, la ekstremorienta finaĵo de [[Himalajo]], kaj  etendiĝas sudorienten laŭlonge de  Patkaj-Montaro je la limo inter Birmo kaj [[Barato]], en  la birmaj [[Kaĉino]] kaj  Sagaing-Regiono,  areo kiu estas  parto  de la [[Ora Triangulo (Sudorienta Azio)|Ora Triangulo]]. La montaroj iras norden-suden al  la centra ebenaĵo de Birmo kaj la arbaroj troviĝas inter altitudoj de 1 830 ĝis 2 700 metroj. [[Ĉindvino]], [[Rivero Mali]], kaj N'Maj-Rivero ĉiuj havas siajn [[fonto]]jn  en tiuj montaroj kaj iras suden por kunigi sin en [[Iravadio]].

La nordbirmaj subtropikaj arbaroj troviĝas sude, dum la orient-himalajaj foliarbaroj situas nordokcidente tra Patkaj-Montaro. La orient-himalajaj subalpaj arbustaroj kaj herbejoj limtuŝas la ekoregionon norde. La nordbirmaj mezvarmaj arbaroj similas la orient-himalajajn mezvarmajn arbarojn, kiuj okupas la mezaltajn altitudojn de Himalajoj en Orienta Barato, [[Butano]], kaj orienta [[Nepalo]], kaj etendiĝas laŭlonge de la norda deklivaro de Patkaj-Montaro en [[Arunaĉal-Pradeŝo]] <ref> {{en}} WWF : Northern Triangle temperate forests </ref>.

==Flaŭro==
[[Dosiero:Malikha River, Northern Kachin State..JPG|eta|maldekstre|Foliarbaroj borde de <br/> Rivero Mali en [[Kaĉino]].]]
La precipaj [[Plantokomunumo (ekologio)|plantokomunumoj]] de la nordbirmaj mezvarmaj arbaroj estas [[foliarbaro]]j kaj miksaj [[arbaro]]j. La arbaroj estas diversaj, miksante plantojn karakterizaj por la tropikaj flaŭroj de [[Orienta Himalajo]] kun tiuj de  [[Asamo]], [[Hinda Subkontinento]] kaj [[Hindoĉinujo]] kaj la mezvarmaj flaŭroj de  [[Himalajo]] kaj [[Ĉinujo]] kaj eĉ iuj [[Relikvo (biologio)|relikvaj]] plantoj de la pra kontinento [[Gondvano]]. Plie la nordbirmaj mezvarmaj arbaroj estas estintaj mulmulte esplorataj de la sciencistoj ekde la laboroj de  [[Frank Kingdon-Ward]] en la  [[1920-aj jaroj|1920-aj]] kaj la [[1930-aj jaroj]] kaj ilia [[biodiverseco]] estas verŝajne subtaksata. 

La foliarbaroj troviĝas inter altitudoj de 1 830 kaj 2 100 metroj. Karakterizaj specioj inkludas  ''[[Alno|Alnus]] nepalensis'', ''[[Betulo|Betula]]  cylindrostachya'', ''[[Kastanopso|Castanopsis]]'' spp., ''[[Schima]]'' spp., ''Callophylus'' spp., ''[[Michelia]]'' spp., kaj ''Bucklandia populnea''.

La miksaj arbaroj troviĝas super altitudo de  2 100 metroj, karakterizataj de foliarboj de ''[[Kverko|Quercus]]'', ''[[Magnolio|Magnolia]]'', ''[[Acero|Acer]]'', ''[[Prunuso|Prunus]]'', ''[[Ilekso|Ilex]]'', kaj ''[[Rododendro|Rhododendron]]'', miksataj kun la [[konifero]]j ''[[Piceo|Picea]] brachytyla'', ''[[Cugo|Tsuga]] dumosa'', ''[[Lariko|Larix]] griffithiana'', kaj ''[[Taiwania flousiana]]''.

Subalpaj koniferaroj troviĝas inter la mezvarmaj arbaroj kaj la alpaj herbejoj de ekstremorienta Himalajo.

==Referencoj==
{{referencoj}}

==Vidu ankaŭ==
*[[Ekologia klasifiko de la tersupraĵoj]]
*[[Konservada stato de ekoregiono]]
<br>
{{Orientalisaj mezvarmaj foliaj kaj miksaj arbaroj}}
{{Orientalisaj ekoregionoj laŭ ekoprovinco}}

==Eksteraj ligiloj==
{{Portalo|Azio|Biologio|Geografio}}
*{{en}} [http://worldwildlife.org/ecoregions/im0402 Ekoregiono IM0402 : Nordbirmaj mezvarmaj arbaroj (WWF)]
*{{en}} [https://web.archive.org/web/20060615125039/http://www.worldwildlife.org/wildworld/profiles/terrestrial/im/im0402_full.html Nordbirmaj mezvarmaj arbaroj  (''WWF-Wildworld'')]
*{{en}} [https://web.archive.org/web/20100308064639/http://www.nationalgeographic.com/wildworld/profiles/terrestrial/im/im0402.html Nordbirmaj mezvarmaj arbaroj  (''Wildworld'')] - [[Nacia Geografia Societo]] 
*{{en}} [http://www.eoearth.org/article/Northern_Triangle_temperate_forests Nordbirmaj mezvarmaj arbaroj (''The Encyclopedia of Earth'')]
*{{en}} [http://globalspecies.org/ecoregions/display/IM0402 Nordbirmaj mezvarmaj arbaroj (''Globalspecies'')] {{Webarchiv|url=https://web.archive.org/web/20141015040603/http://globalspecies.org/ecoregions/display/IM0402 |date=2014-10-15 }}
*{{en}} [http://www.worldwildlife.org/science/wildfinder/ Situo de la ekoregiono : tajpu ''Northern Triangle temperate forests'']
*{{en}} [http://wwf.panda.org/about_our_earth/ecoregions/easthimalayan_broadleaf_conifer_forests.cfm  Tutmondaj 200; numero 67 : Orient-himalajaj foliarbaj kaj koniferaj arbaroj (WWF)] {{Webarchiv|url=https://web.archive.org/web/20121015082140/http://wwf.panda.org/about_our_earth/ecoregions/easthimalayan_broadleaf_conifer_forests.cfm |date=2012-10-15 }}
*{{en}} [http://www.cepf.net/resources/hotspots/Asia-Pacific/Pages/Indo-Burma.aspx Hindoĉina biodiverseco-riĉaĵejo (Naturprotekto Internacia)]

[[Kategorio:Orientalisaj ekoregionoj]]
[[Kategorio:Mezvarmaj foliaj kaj miksaj arbaroj]]
[[Kategorio:Global 200]]
[[Kategorio:Biodiverseco-riĉaĵejoj]]
[[Kategorio:Geografio de Birmo]]