Wohlen ĉe Berno

Wohlen ĉe Berno (germane Wohlen bei Bern) estas komunumo en Kantono Berno, Svislando. Ĝis la 31-a de decembro 2009 ĝi estis parto de la distrikto Berno. Ekde la 1-a de januaro 2010 ĝi apartenas al la nove fondita administra distrikto Berno-Mezlando. Ĝi havis 8986 loĝantojn je la 31-a de decembro 2008.

Wohlen ĉe Berno
Blazono de Wohlen ĉe Berno
Blazono de Wohlen ĉe Berno
Lago de Wohlen kun ponto de Kappelen
Lago de Wohlen kun ponto de Kappelen
komunumo en Svislando
Kantono	Berno
Administra distrikto	Berno-Mezlando
Malnova distrikto ĝis 2009	Berno
Geografia situo	CH1903: 593784 / 202323 (mapo)46.9719444444447.3569444444444
Nombro de loĝantoj	8986
Areo	36.30 km²
Alteco	547 m super marnivelo
Poŝtkodo	3033
Komunumkodo	0360
Mapo de Wohlen ĉe Berno
Mapo de Wohlen ĉe Berno

Geografio

Wohlen situas ĉe la bordo de la baraĵlago Wohlensee, kiu estiĝis per reteno de la rivero Aro. Ĝi konsistas el la vilaĝoj kaj setlejoj Hinterkappelen, Wohlen, Illiswil, Murzelen, Innerberg, Uettligen, Möriswil, Säriswil, Oberdettigen, Hofen, Steinisweg, Salvisberg, Wickacker kaj Wölflisried. La regiono de Wohlensee estas birdorezervejo kaj biotopo de nacia signifo kaj troviĝas sub naturprotekto.

Najbaraj komunumoj

La komunumo Wohlen ĉe Berno limas en nordoa al Meikirch, en oriento al Kirchlindach, en sudoriento al Berno, en sudo al Frauenkappelen, en sudoriento al Mühleberg, en okcidento al Radelfingen, kaj en nordokcidento al Seedorf.

Trafiko

Wohlen atingeblas per loka buslinio ekde la urbo Berno. La veturado per la buso de la centro de Woheln ĝis la ĉefa stacidomo de Berno daŭras 17 minutojn.

La plej proksima alveturejo al la svisa aŭtovojo A1 troviĝas en distanco de 4 km ĉe la limo de la urbo Berno.

Historio

La unua dokumenta mencio de Wohlen datiĝas el la jaro 1275 kiel Wolon. La setlejo Uettligen menciiĝis jam en 1185 kiel Uttelingen en buleo.

La komunuma teritorio en mezepoko apartenis al la Senjorujo Oltingen de Savojo. Kiam la lasta reganto de Oltingen estis batmurdita en la jaro 1410, Wohlen estis vendita kontraŭ 5000 guldenoj al la urbo Berno kaj tiel fariĝis berna kaj parto de la Svisa Ĵurkomunumo.

Vidu ankaŭ

• Aliaj lokoj kun la nomo Wohlen

Eksteraj ligiloj

• Oficiala retejo de la komunumo Wohlen

•  Vidu ankaŭ en la Vikimedia Komunejo la kategorion Wohlen ĉe Berno – (Kolekto de bildoj kaj plurmediaj dosieroj)

Bildoj

• 
  Vilaĝeniro de Salvisberg
• 
  Vilaĝeniro de Wickacker