Veytaux

Veytaux estas svisa komunumo de la Distrikto Riviera-Pays-d'Enhaut en la Kantono Vaŭdo. Ĝi havis 823 loĝantojn je la 31-a de decembro 2012.

Veytaux
Blazono de Veytaux
Blazono de Veytaux
Kastelo de Chillon
Kastelo de Chillon
komunumo en Svislando
Kantono	Vaŭdo
Distrikto	Riviera-Pays-d'Enhaut
Koordinatoj	46° 25′ 00″ N 06° 56′ 00″ O (mapo)
Nombro de loĝantoj	823
Areo	6,74 km²
Alteco	375 m super marnivelo
Poŝtkodo	1820
Komunumkodo	5891
Mapo de Veytaux
Situa mapo de Veytaux

Geografio

La komunumo situas sudoriente de Montreux, aliflanke de la rivero La Veraye, ĉe la orienta fino de Lago Lemano.

La komunuma teritorio formas maldikan terbendon kiu, de Lago Lemano, etendiĝas nordorienten. Ĝia plej alta punkto estas "Les Rochers de Naye" (2 042 m). De tie ĝi etendiĝas preter la "Valo de Naye", ĝis al la rivero Hongrin, kiu estas ĝia limo kun la komunumo Rossinière. Ĝi formas ponton inter la partoj okcidenta kaj orienta de Distrikto Riviera-Pays-d'Enhaut.

Najbaraj komunumoj

La komunumo Veytaux limas en nordokcidento al Montreux, en nordo al Haut-Intyamon (FR), en nordoriento al Rossinière, en sudoriento al Villeneuve, kaj en okcidento al la Lago Lemano.

Vidindaĵoj

La kastelo de Chillon estas ĝia ĉefa vidindaĵo. Ĝi estis konstruita je la 10-a jarcento sur la loko de romia fortika kampo. Gustave Courbet prenis ĝin kiel modelon por pluraj el siaj pentraĵoj, la plej konata, "Le château de Chillon" (1874) estas en la Muzeo Courbet en Ornans.

Vidu ankaŭ

• Rochers-de-Naye (stacidomo)
• Veytaux-Chillon (stacidomo)

Eksteraj ligiloj

• Pri Veytaux Arkivigite je 2004-11-01 per la retarkivo Wayback Machine
• Retpaĝo de la kastelo de Chillon
• Veytaux en la Svisa Historia Vortaro (france)

•  Vidu ankaŭ en la Vikimedia Komunejo la kategorion Veytaux – (Kolekto de bildoj kaj plurmediaj dosieroj)

Bildoj

• 
  Kastelo de Chillon je la 1900-aj jaroj