Trinkaĵo
Trinkaĵoj estas kune kun manĝaĵoj la ĉefa nutrofonto por plej multaj animaloj. Sen trinki, tiuj estuloj perdus la akvan ekvilibron (necesega por havadi fluantan sangon) kaj post nur kelkaj tagoj (depende de la specio) elsekiĝus kaj mortus.
![](http://upload.wikimedia.org/wikipedia/commons/thumb/7/71/Bebida_Xeque_Mate.jpg/220px-Bebida_Xeque_Mate.jpg)
![](http://upload.wikimedia.org/wikipedia/commons/thumb/1/1c/A_drink_for_relaxation......11.jpg/220px-A_drink_for_relaxation......11.jpg)
Trinkaĵo estas pli-malpli flua substanco, kiun oni povas englutadi rekte de la buŝo en la stomakon sen maĉi. Kelkaj supoj ankaŭ trinkeblas, sed ĝenerale oni tiujn "manĝas" per tipaj manĝiloj kaj do konsideras ilin manĝo.
La baza trinkaĵo por ĉiuj trinkuloj estas akvo. En la nutrado de mamulidoj, lakto ludas similan rolon.
Distinga trajto de homoj (kaj de kelkaj aliaj primatoj) estas ke tiuj ĉi trinkas ne nur por malsoifiĝi, sed ankaŭ por frandi, akiri sanigan aŭ stimulan kromefikon, aŭ ebriiĝi. Kutime la diversaj trinkaĵoj enhavas plurajn funkciojn samtempe, ekzemple oni povas trinki teon kaj por veketiĝi, malsoifiĝi, frandi, sin varmigi, kaj plibonigi sian sanon. Apartan lokon okupas alkoholaĵoj, kies ĉeffunkcio tute ne estas malsoifigi sed ja ebriige stimuli la cerbon.
Nealkoholaj trinkaĵoj
redakti- Denaturaj trinkaĵoj
- Plantosukoj
- Trinkaĵoj klare homfaritaj
- Karbohidraj sukoj
alia grupigo