Saduo
Saduo (sanskrite साधु, sādhu, laŭvorte „bonulo“) en hinduismo estas kategoria termino por kredantoj, kiuj dediĉis sin al aparte religia, parte strikte asketisma vivo. Aparte ĝi grupigas la monaĥojn de la diversaj hinduismaj ordenoj.
![](http://upload.wikimedia.org/wikipedia/commons/thumb/6/6b/Indian_sadhu_performing_namaste.jpg/265px-Indian_sadhu_performing_namaste.jpg)
![](http://upload.wikimedia.org/wikipedia/commons/thumb/0/0d/Sadu_Kathmandu_Pashupatinath_2006_Luca_Galuzzi.jpg/265px-Sadu_Kathmandu_Pashupatinath_2006_Luca_Galuzzi.jpg)
Saduo, kiu plene rezignis pri ĉiuj posedaĵoj, ĉiuj familiaj kaj sociaj ligoj kaj vivas asketisme, nomatas sanjasino, "abstinulo". Sed ankaŭ ekzistas saduoj, kiuj edziĝas kaj fondas familiojn, kiel la Baul, anoj de reforma ordeno en la oriento de Barato: Ili vagas tra la lando, en vilaĝoj kaj urboj kantas siajn tipajn religiajn kantojn kaj vivas el donacoj ricevitaj, estante posedantoj de tre modesta loĝejo.
Aliaj saduoj kreas komunumojn en aŝramoj aŭ vivas en loĝejoj ligitaj al temploj. Tie ili dediĉiĝas al spirita vivo, studas kaj instruas la sanktajn tekstojn de hinduismo. Multaj saduoj okupiĝas krom pri spiritaj aktivaĵoj ankaŭ pri filantropaj kaj humanismaj taskoj - aparte konataj pri tio estas la monaĥoj de la Ramakriŝno-misio kaj de la Sŭaminarajano-ordeno, ambaŭ en Barato tre popularaj. Ili organizas helpon por povruloj kaj por viktimoj de naturaj katastrofoj.