Orne

Por samtitolaj artikoloj vidu la paĝojn Orne (Mozelo) kaj Orne (rivero).

Orne - prononco [orn], per sistemo IFA [ˈɔʁn] - estas franca departemento, unu el la kvin de la regiono Normandio. Ĝia prefektejo estas Alençon.

Orne
departemento de Francio
Administrado
Lando	Francio
Regiono	Normandio
Numero	61
Prefektejo	Alençon
Subprefektejoj	Argentan Mortagne-au-Perche
Prezidanto de la departementa konsilio	Christophe de Balorre
Prefekto	Sébastien Jallet
Statistikaĵoj
Loĝantaro	276 144 (2022)
Areo	6 103 km²
Loĝdenso	45 /km²
Subdividoj
Arondismentoj	3
Kantonoj	21
Komunumaroj	15
Komunumoj	385

Ĝia nomo originas de la riverego Orne, kiu fontas el ĝi kaj trapasas ĝin.

La departemento havas entute 412 komunumojn.

Arondismentoj

La departemento dividiĝas al tri arondismentoj:

• arondismento Alençon
• arondismento Argentan
• arondismento Mortagne-au-Perche

Geografio

Orne partoprenas en la regiono Normandio. Ĝi estas lima de la departementoj Eure nordoriente, Eure-et-Loir oriente, Sarthe sude, Mayenne sudokcidente, Manche okcidente, kaj Calvados norde.

Mapo

Historio

La departemento estis kreita dum la Franca Revolucio, je la 4-a de marto 1790, per uzado de la leĝo de la 22-a de decembro 1789, el parto de la provinco de Normandio kaj Perĉo.

La 18-an de aŭgusto 1944 1-a Kirasita Divizio de Polaj Armitaj Fortoj en Okcidento post 2-taga sanga batalo konkeris Chambois en Orne, Supera Komandanto Kazimierz Sosnkowski skribis al 355-a Ĉasista Divizio "Dębliński" pri "ĝia grandioza venko, la plej granda en kronikoj de la Pola Aerarmeo — antaŭan tagon la divizio pafalterigis super Francio 16 germanajn aviadilojn, perdante unu propran kaj komandanton majoron Eugeniusz Horbaczewski. Liberigo de Parizo estis komencita.

Kulturo

Orne estas fama pro siaj ĉevalaj bredejoj.

Vidu ankaŭ

• Komunumoj de Orne

Eksteraj ligiloj

• Prefektejo Arkivigite je 2004-12-11 per la retarkivo Wayback Machine
• Departementa Konsilio