Listo de la gazetoj kaj revuoj de Svislando

En rekta demokratio kiel Svislando libera, sendependa kaj multfaceta gazetaro estas esenca piliero de la socio kaj publika vivo. La gazetara libereco estas unu el la ĉefaj atingaĵoj de la Helveta Revolucio de la jaro 1798 kaj ĝi estas garantiita kiel ne tuŝebla rajto en la Federacia Konstitucio de 1848 kaj ĉiuj postaj versioj.

La gazetara pejzaĝo de Svislando en iu senco estas spegulo de la politika strukturo de la lando. Eĉ la plej granda svisa gazeto ne 20 Minuten ne atingas pli ol 10% de la loĝantaro de la lando. Ĉiu regiono, ĉiu kantono ja preskaŭ ĉiu vilaĝo disponas pri almenaŭ unu loka gazeto. Jam sole en la Kantono Zuriko aperas pli ol 10 taggazetoj, kaj la semajnaj gazetoj kaj revuoj estas apenaŭ pretervideblaj.