Peredviĵniki
La rusa kolegaro de la moveblaj artaj ekspozicioj (Peredviĵniki t.e. migruloj) (ruse Товарищество передвижных художественных выставок (Передви́жники) estis komunumo de la rusaj pentristoj funkciinta en Rusio ekde 1870 ĝis 1923. Ĝiaj anoj celis propagandi la pentrarton inter diversaj tavoloj de la socio.
![](http://upload.wikimedia.org/wikipedia/commons/thumb/3/37/Peredvizhniki.jpg/380px-Peredvizhniki.jpg)
La komunumon fondis eksaj studentoj de la Imperiestra Akademio de Belartoj, kiuj forlasis ĝin pro kontesto de postuloj de ĝia estraro. La ĉefa iniciatinto estis Ivan Kramskoj.
La komunumon diversjare partoprenis jenaj famaj pentristoj:
- Ilja Repin
- Vasilij Surikov
- Konstantin Makovskij
- Aleksio Savrasov
- Isako Levitan
- Konstanteno Korovin
- Ivan Ŝiŝkin
- Valentino Serov
- k.a.
Multe monapogis agadon de la komunumo elstara rusa kolektinto, fondinto de Tretjakova galerio - Paŭlo Tretjakov, kiu aĉetis ties pentraĵojn kaj tielmaniere gloris komunumanojn, ĉar eksponado de ajna bildo tie estis tre prestiĝa.
Eksteraj ligiloj
redakti- [1] kelkaj komunumanoj (biografioj kaj pentraĵoj) ruse
- [2] Arkivigite je 2009-04-21 per la retarkivo Wayback Machine artikolo far Michael E.Donnelly, Ph.D angle