Kebekurbo
Kebekurbo aŭ Kebeko (france kaj oficiale, Québec aŭ Ville de Québec; angle kaj komune Quebec City) estas la ĉefurbo de la provinco Kebekio en Kanado.
Kebekurbo | |||
angle angl, france franc | |||
urbo | |||
|
|||
Oficiala nomo: Québec | |||
Moto: Don de Dieu feray valoir | |||
Ŝtato | ![]() | ||
---|---|---|---|
Provinco | Kebekio | ||
Regiono | Kebek-regiono | ||
Historia regiono | Malsupra Kanado | ||
Konataj lokoj | Citadelo de Kebeko, Kastelo Frontenac | ||
Rivero | Sankt-Laŭrenco | ||
Situo | Kebeko | ||
- koordinatoj | 46° 48′ 58″ N 71° 13′ 27″ U / 46.81611 °N, 71.22417 °U (mapo) | ||
Areo | 454,26 km² (45 426 ha) | ||
- de aglomeraĵo | 3 276,53 km² (327 653 ha) | ||
- de metropolo | 670,10 km² (67 010 ha) | ||
Loĝantaro | 516 622 (2011) | ||
- de aglomeraĵo | 659 545 | ||
- de metropolo | 765 706 | ||
Denseco | 1 137,28 loĝ./km² | ||
- de aglomeraĵo | 201 loĝ./km² | ||
- de metropolo | 1 143 loĝ./km² | ||
Fondita | 1608 | ||
- statuto | 1833 | ||
Urbestro | Régis Labeaume | ||
Horzono | UTC (UTC-5) | ||
- somera tempo | UTC (UTC-4) | ||
Telefona antaŭkodo | +1 418 kaj +1 581 | ||
SGC kodo | 24 23 027 | ||
Loko de Monda heredaĵo de UNESKO | |||
Nomo | Historia distrikto de Kebeko | ||
Tipo de heredaĵo | kultura heredaĵo | ||
Jaro | 1985 (#9) | ||
Numero | 300 | ||
Regiono | Norda Ameriko | ||
Kriterioj | iv, vi | ||
![]() | |||
Retpaĝo: www.ville.quebec.qc.ca | |||
![]() |
![](http://upload.wikimedia.org/wikipedia/commons/thumb/1/1e/Quebec_city.jpg/220px-Quebec_city.jpg)
Laŭ la stato de 2021 en la urbo vivis 549 459 loĝantoj sur areo de 485,18 kvadrataj kilometroj, kio rezultigas loĝdenson de 1 132 loĝantoj/km². Historie, la loĝantaro de la urbo mem estis 516 622 (2011) kaj de la metropola regiono 710 700 (2004). Ĝi estas la dua plej granda urbo de Kebekio, post Montrealo. La nuna urbestro de la urbo estas Bruno Marchand.
Kebekurbo estas la sola fortikigita urbo de Nord-Ameriko norde de Meksiko kiu ankoraŭ posedas urbajn murojn. Ĝia malnova urbo estas Monda Kulturheredaĵo de Unesko depost 1985.
Geografio
redaktiLa urbo lokiĝas sur kaj ĉirkaŭ Cap Diamant, granda rokaĵo je la flanko de la rivero Sankt-Laŭrenco, kies topografio instigis uzon por milita defendado. La malvasteco de la riverkolo inter Kebekurbo kaj Lévis je la alia flanko donis la nomon al la urbo kaj la provinco: kebek estas Algonkina vorto kiu signifas "tie kie la rivero malgrandiĝas". Alia rivero (aŭ brako) estas Saint-Charles.
Historio
redaktiLa Dua Kebeka Konferenco (kodnomita "OCTAGON") estis alt-nivela milita konferenco okazinta dum la Dua Mondmilito inter la Brita kaj Usona registaroj. La konferenco okazis en Kebekurbo, de la 12-a ĝis la 16-a de septembro 1944, kaj la dua konferenco okazis samloke, kiel "QUADRANT" en aŭgusto 1943. La ĉefaj reprezentantoj estis Winston Churchill, Franklin D. Roosevelt kaj la Kombinita Ĉefa Stabanaro. La kanada ĉefministro William Lyon Mackenzie King estis la gastiganto sed ne partoprenis en la ŝlosilaj kunsidoj.
La urbo kaj ĝiaj plej famaj lokoj estas abunde prezentataj en la filmo "I confess" (Mi konfesas) de Alfred Hitchcock, farita en 1953[1].
Lokoj
redaktiVidon de Kebekurbo dominas la grandega hotelo Château Frontenac, sur Cap Diamant. La hotelo lokiĝas laŭ la Terrasse Dufferin, promenadejo sur la bordo de la klifo kiu ofertas belajn vidojn de la rivero Sankt-Laŭrenco.
Proksime al la Château Frontenac estas la Katedralo de Nia Damo de Kebeko, la seĝo de la arkiepiskopo de Kebeko, primaso de Kanado. Ĝi estas la unua katedralo kaj unua baziliko konstruita en Ameriko.
La Terrasse Dufferin iras ĝis la Ebenaĵoj de Abraham, loko de la batalo de la Ebenaĵoj de Abraham per kiu la britoj kaptis Kanadon de la francoj. Tie lokiĝas la Citadelo de Kebeko, instalaĵo de la Kanadaj Militfortoj kaj oficiala rezidejo de la Guberniestro ĝenerala de Kanado en Kebekio. La Nacia Asembleo de Kebekio renkontas en la apuda Parlamentejo.
La Alta Urbo kuniĝas per ŝtuparoj kaj funikularo al la Malalta Urbo, kie lokiĝas la tre aĝa kirko Notre-Dame-de-la-Victoire, la historia distrikto Petit Champlain, kaj la Muzeo de Civilizacio.
En la okcidento de la urbo lokiĝas la Universitato Laval (Ste-Foy-Sillery-Cap-Rouge); la administrejoj de la Universitato de Kebekio ankaŭ lokiĝas en Kebekurbo.
La Nacia Historia Loko Cartier-Brebeuf estas situa sur la kunfluejoj de la riveroj Saint-Charles kaj Lairet, precize en la kvartalo La Cité-Limoilou. Tie estas interpretejo kaj 6,8-hektara enurba parko karakterizita per varia pejzaĝo kaj dividita en du sektoroj, nome "Oriento" kaj "Okcidento" separataj per la rivero Lairet. Estas ankaŭ kelkaj memormonumentoj kaj aliaj elementoj.
La urbo famas por sia vintra karnavalo kaj por la festoj de Sankt-Johan-Baptista Tago.
Proksime de Kebekurbo lokiĝas la Kebeka Ponto, la akvofaloj Montmorency (Beauport), la Oratorio Sankta Jozefo kaj la baziliko Sankt-Ana de Beaupré.
Ekonomio
redaktiNorda Stelo estas inĝenierado-konsilantara kaj konstrua firmao funkcianta tutmonde. Ĝia ĉefsidejo estas en Kebekurbo. La kompanio havas 800 dungitojn kaj efektivigas projektojn en ĉirkaŭ 50 landoj. Norda Stelo estas sendependa kompanio aktiva en konstruado, transporto kaj infrastrukturo. Krome en Kebekurbo interalie fontas la ĉeno de kanadaj glacaĵejoj kaj ĉokoladejoj Chocolats Favoris.
Servoj
redaktiEsperanto-movado
redaktiDe la 25-a de julio 2020 ĝis la 1-a de aŭgusto estis planita en Kebekurbo la 53-a ILEI-Kongreso 2020. Tamen pro la pandemio la estraro de ILEI decidis prokraston de tiu evento al 2022.
Ĝemelaj urboj
redakti- Albany en Usono
- Bordozo en Francio ekde 1962
- Kalgario en Kanado
- Cannes en Francio
- Ĉangĉuno en Popola Respubliko Ĉinio
- Iaşi en Rumanio
- Guanajuato-urbo en Meksiko ekde 2002
- Hue en Vjetnamio ekde 2005
- Lieĝo en Belgio ekde 2002
- Montevideo en Urugvajo ekde 2000
- Namuro en Belgio ekde 1999
- Vagaduguo en Burkino ekde 2000
- Parizo en Francio ekde 2003
- Sousse en Tunizio ekde 2004
- Sankt-Peterburgo en Rusio ekde 2002
- Ŝjiano en Popola Respubliko Ĉinio ekde 2001
Galerio
redakti-
la Nacia Asembleo de Kebekio en Kebekurbo
-
rigardo de la urbo, maldekstre la Château Frontenac
Referencoj
redakti- ↑ Stanislavo Belov (2019-12-29) “Mi konfesas” (I confess): la plej kristana filmo de Alfred Hitchcock (esperante). Blogger. (pri filmo, kie li ludis)
Eksteraj ligiloj
redakti- angle france Quebec City Guide, Guide Urbain de Québec - Télégraphe de Québec
- angle Tourist information of the Quebec City area
- angle Official website of Quebec City
- angle Official website of Quebec City Tourism Arkivigite je 2008-11-23 per la retarkivo Wayback Machine
- angle Quebec City Travelguide - Wikivoyage
- angle Buildings of Quebec City
- angle Québec 2008 (400th Anniversary) Arkivigite je 2007-03-12 per la retarkivo Wayback Machine
- angle Quebec's Old Town Photo Tour
- france Site officiel de la Ville de Québec
- france Voyager à petit budget dans la ville de Québec[rompita ligilo]
- france Tout Québec sur le Web - Le portail dédié à la région de la Capitale nationale Arkivigite je 2007-08-10 per la retarkivo Wayback Machine
- france Office du tourisme et des congrès de Québec : http://www.regiondequebec.com
- france Québec Urbain: l'urbanisme de la Ville de Québec en version carnet. Éditeur: Francis Vachon.
- france La Ville de Québec sur Wikivoyage
- france Parc technologique du Québec métropolitain Arkivigite je 2007-08-11 per la retarkivo Wayback Machine
- france QuébecCafé.com : répertoire des cafés et restaurants de Québec et sa région
- france Site de Francois Maxime Langlois présentant une kyrielle de magnifiques photos sur la ville de Québec[rompita ligilo]
- france QuebecPlus.ca: Guide urbain de la ville de Québec
- france Québec "Cité du Monde multimédia" avec TV5