Instituto Fina Venko
La Instituto Fina Venko (IFV) estis internacia organizaĵo aŭ grupiĝo kiu (laŭ propra aserto) celis disvolvi kaj pligrandigi la Esperanto-movadon. Ĝi naskiĝis en oktobro de 2014. Laŭ artikolo en la revuo Kontakto, citita en la retejo tekstaro.com, unu el la gvidaj iniciatintoj estis Enric Baltasar.[1] La nomo de la grupiĝo uzis la popularan esprimon Fina Venko, vaste uzata ĉe debatoj pri la estonteco de la movado kaj la diversaj strategioj por plibonigi ĝin. Ĝia retejo finavenko.net laŭ la interreta arkivo ekde 2017 ne plu atingeblas, kaj same la paĝo de la iniciato en la retejo Facebook ankaŭ ne plu aktivas ekde 2017, do eblas supozi ke la aktivaĵoj tiam ĉesis. Paralele al tiuj tempoindikoj, la antaŭa motoro de la iniciato Enric Baltasar en aŭgusto 2017 kandidatis kaj elektiĝis la prezidanto de TEJO - ekde tiu tempo ne plu registriĝas iuj aktivaĵoj de la iniciato. Tamen jam en decembro 2017 li anoncis sian demision kiel prezidanto de TEJO,[2] do videble iuj ideoj kaj eble nerealismaj esperoj almenaŭ de tiu iniciata motoro konfrontiĝis kun la realo.[3]
| Instituto Fina Venko | ||
|---|---|---|
organizaĵo 
| ||
| Komenco | oktobro 2014 | |
| Fino | fine de 2016 aŭ en 2017 | |
| Sidejo | Oliva, València (Valencilando), Hispanio | |
| Tipo | mallongtempa grupiĝo | |
| Dungitaro | volontula grupiĝo | |
| Lingvoj |
Esperanto | |
| Retejo | la retejo finavenko.net, arkivigita en junio 2016 | |
Referencoj
redakti- ↑ artikolo en la revuo Kontakto, citita en la retejo tekstaro.com, elstarigas la fondon de la iniciato en 2014 kaj la gvidan rolon de Enric Baltasar en tiu fondo.
- ↑ artikolo [surprize] "demisiis la prezidanto de TEJO" [post deĵoro de nur kvar monatoj] la 31-an de decembro 2017 en la retejo liberafolio.org (esperante)
- ↑ emocia "Letero de la prezidanto" de la 2-a de januaro 2018 pri sia demisio, publikigita en la retejo de TEJO (esperante)
Eksteraj ligiloj
redakti- la retejo finavenko.net, arkivigita en junio 2016 (esperante)
- eksa paĝo de la iniciato en la retejo Facebook, ankaŭ ne plu aktiva ekde 2017 (esperante)
- reklama memprezenta filmo de oktobro 2014 en la retejo YouTube (esperante, subtitoloj facile tradukeblaj al multegaj aliaj lingvoj)
- kategorio "Instituto Fina Venko" en la retejo de TEJO (esperante)
