Flago de Vjetnamio
La flago de Vjetnamio de 1976, oficiala de la socialisma Respubliko Vjetnamio, ankaŭ konata kiel la "ruĝa flago kun flava stelo" (cờ đỏ saovàng), estis dizajnita en 1940 kaj uzita tiun jaron dum ribelo kontraŭ franca rego en Koĉinĉino. La flago estis uzita de Vjet Minh, komunista organizo kreita en 1941 por kontraŭbatali japanan okupon.
![](http://upload.wikimedia.org/wikipedia/eo/thumb/3/31/Flago-de-Vjetnamio.svg/250px-Flago-de-Vjetnamio.svg.png)
![](http://upload.wikimedia.org/wikipedia/commons/thumb/6/68/FIAV_111111.svg/20px-FIAV_111111.svg.png)
Kiam la japanoj kapitulacis ĉe la fino de Dua Mondmilito, Vjet Minh-gvidanto Ho Chi Minh proklamis la Vjetnaman Demokratian Respublikon en Hanojo kun li mem kiel prezidanto. Minh subskribis dekreton la 5-an de septembro 1945 adoptante la Việt Minh-flagon kiel la flagon de la respubliko. La VDR iĝis registaro en Nord-Vjetnamio en 1954 post la Ĝenevaj akordoj. La flago estis modifita en 1955.
La ruĝa fono estis inspirita de la flago de la komunista partio, kiu en svingo honoras la ruĝan flagon de la Pariza komunumo (1871). Ĝi simbolas revolucion kaj sangon. La kvin-pinta flava stelo reprezentas la unuecon de laboristoj, kamparanoj, intelektuloj, komercistoj kaj soldatoj en konstrua socialismo. Ĝis la preno de Sajgono en 1975, Vjetnama respubliko uzis flavan flagon kun tri ruĝaj strioj.
Ruĝa flago de Nord-Vjetnamio iĝis la flago de unueca Vjetnamio kiam la Vjetnama Socialisma Respubliko estis formita la 2-an de julio 1976.