Ezra Pound

Ezra POUND (30-a de oktobro, 1885 – 1-a de novembro, 1972) estis usondevena poeto, muzikisto, kaj kritikisto kiu estis gravulo de la Modernisma movado en frua al meza 20-a jarcenta poezio. Li estis la ĉefa figuro de pluraj Modernismaj movadoj, notinde Imagismo kaj Vorticismo.

Ezra Pound
Persona informo
Ezra Weston Loomis Pound
Naskiĝo	30-an de oktobro 1885 (1885-10-30) en Hailey
Morto	1-an de novembro 1972 (1972-11-01) (87-jaraĝa) en Venecio
Mortis pro	Naturaj kialoj vd
Mortis per	Malsano de gastrointesta sistemo vd
Tombo	Cemetery of San Michele (en) vd
Lingvoj	angla vd
Loĝloko	Homer Pound House vd
Ŝtataneco	Usono vd
Alma mater	Universitato de Pensilvanio Hamilton College (en) vd
Familio
Patro	Homer Loomis Pound (en) vd
Patrino	Isabel Weston (en) vd
Edz(in)o	Dorothy Shakespear (mul) (1914–) vd
Amkunulo	Iseult Gonne (en) vd
Infanoj	Mary de Rachewiltz (en)  ( Olga Rudge (en) ) Omar Pound (en)  ( Dorothy Shakespear (mul) ) vd
Parencoj	Thaddeus C. Pound (en) (patra avo) vd
Profesio
Okupo	poeto verkisto ekonomikisto ĵurnalisto radio-prezentisto aŭtobiografo komponisto tradukisto literaturkritikisto literaturhistoriisto vd
Aktiva dum	1909– vd
Honorigoj Honorigoj (1963)  Academy of American Poets Fellowship (en) (1948)  Bollingen Prize (en) vd
Membrecoj Membrecoj Usona Akademio de Artoj kaj Beletro vd
vd	Fonto: Vikidatumoj

Laborante en Londono dum la frua 20-a jarcento kiel fremda redaktoro de pluraj usonaj literaturaj gazetoj, Pound helpis malkovri kaj formi la verkojn de samtempanoj, kiaj T. S. Eliot, James Joyce, Robert Frost, Hilda Doolittle kaj Ernest Hemingway. Li helpis eldonigi la poemon de Eliot "The Love Song of J. Alfred Prufrock" en 1915, kaj serie eldonigi en 1918 la romanon Ulysses de Joyce.

Li moviĝis al Italio en 1924, kie tra la 1930-aj kaj 1940-aj jaroj li malferme subtenis la faŝismon de Benito Mussolini, esprimis subtenon por Adolf Hitler, kaj verkis por publikaĵoj posedataj de la brita faŝisto Oswald Mosley. Dum la dua mondmilito, li estis pagata de la itala registaro por registri centojn da radiaj elsendoj, kritikantaj Usonon, Franklin D. Roosevelt kaj la judojn, pro kiuj li estis arestita en 1945 de usonaj soldatoj en Italio kaj akuzita pri perfido. Li pasigis monatojn en usona milita prizono en Pizo, inklude tri semajnojn en ŝtala kaĝo, ses futojn (182,88 centimetroj) longe kaj ses futojn larĝe, kiu laŭ li kaŭzis al li mensan paneon. Pro lia mensa kondiĉo oni decidis, ke li ne povis esti procesita, do li estis sendita al la psikiatria malsanulejo St. Elizabeths Hospital en Vaŝingtono, kie li restis dum pli ol 12 jaroj.