Eŭzebio

Eŭzebio (pri malsamaj nomformoj vidu sube), latine Eusebius, antikve-greke Εὐσέβιος, estas vira persona nomo.

Nomo en Esperanto

Pluraj historiaj personoj nomiĝas latine Eusebius, antikve-greke Εὐσέβιος. En Esperanto ne ekzistas centprocente firma esperantigo de tiu nomo. La nomformo Eŭsebio estas pli fidela al la skriba formo de la latina nomo. Aliflanke la formo Eŭzebio pli similas al la prononco en pluraj lingvoj, kaj ĝi sekvas la tradicion ke intervokala S en latina vorto ĝenerale iĝas Z en Esperanto (Esperantigo de vortoj el latina fonto). Kaj Eŭsebio kaj Eŭzebio konservas la -i- en la finaĵo, kiel ankaŭ faras preskaŭ ĉiuj aliaj lingvoj kie oni trovas variaĵon de tiu nomo, kun la sola escepto de la franca lingvo.

Alia nomformo sen -i-, Eŭzebo, similas la francan formon. ReVo listigas "Eŭzebio" kun du fontindikoj, sed ankaŭ indikas unu antaŭvikipedian^[1]. Ankaŭ en Vikipedio la tiama nomo "Eŭsebio" estis en 2015 ŝanĝita al "Eŭzebo", kaj probable multaj publikaĵoj kiuj uzas la nomon "Eŭzebo" estas influitaj de tiu plurjara lingvouzo en Vikipedio.

Konataj nomportantoj

Antikva epoko

Eŭzebio (papo), m. ĉirkaŭ 308, sanktulo
Eŭzebio de Cezareo, m. ĉirkaŭ 340, historiisto
Eŭzebio de Nikomedio, m. 341, ĉefepiskopo de Konstantinopolo
Eŭzebio de Verĉelo, m. ĉirkaŭ 371, sanktulo
- Evangeliaro de Sankta Eŭzebio, verko de li

La vortoj "Sankta Eŭzebio" povas celi al Eŭzebio de Verĉelo aŭ al Eŭzebio (papo).

Vidu ankaŭ:

Sankta Hieronimo, m. ĉirkaŭ 420, plennome "Sofronio Eŭzebio Hieronimo"

Pli modernaj

Albrecht Wenzel Eusebius von Wallenstein, n. 1583, generalisimo
Eusébio de Matos, n. 1629, brazila poeto
Eusébio de Queirós, n. 1812, brazila politikisto
José Eusebio Caro, n. 1817, kolombia verkisto kaj politikisto
Harald Josias Eusebius Thilander, n. 1877, sveda esperantisto
Eusébio Da Silva Ferreira, ofte nomata simple Eusébio, n. 1942, portugala futbalisto

En fikcio

Florestan kaj Eusebius, du fikciaj personoj de la komponisto Robert Schumann

Lokoj

Eusébio (Cearao), en Brazilo

Referencoj

↑ paperan fonton por la nomo "Eŭzebo": nome "A. Cherpillod: Nepivaj Vortoj (listo de 6800 vortoj ne troviĝantaj en la PIV el kiuj kelkaj povas esti utilaj), la aŭtoro, Courgenard Francio, 1988 ISBN 2-906134-05-8"

Vidu ankaŭ

Eusébio

Ĉi tiu paĝo estas apartigilo: listo de artikoloj kun sama aŭ preskaŭ sama titolo.

Se vi venis ĉi tien per ligilo en artikolo, bonvolu direkti tiun ligilon rekte al la celita paĝo.

[1] ran fonton por la nomo "Eŭzebo": nome "A. Cherpillod: Nepivaj Vortoj (listo de 6800 vortoj ne troviĝantaj en la PIV el kiuj kelkaj povas esti utilaj), la aŭtoro, Courgenard Francio, 1988 ISBN 2-906134-05-8"

[1]