Suba Simme-Valo (distrikto)
La distrikto Suba Simme-Valo (germane Amtsbezirk Niedersimmental) estis ĝis la 31-a de decembro 2009 administra unuo de Kantono Berno. Ĝi havis 21735 loĝantojn la 31-an de decembro 2008. Ĝia ĉefloko estis la komunumo Wimmis.
| Distrikto Suba Simme-Valo Amtsbezirk Niedersimmental | |
|---|---|
 | |
 | |
| Distriktoj de Kantono Berno | |
 | |
| Kantono | Berno |
| Ĉefloko | Wimmis |
| Geografia situo | CH1903: 614900 / 168404 (mapo)46.66677.6333305555556Koordinatoj: 46° 40′ N, 7° 38′ O; CH1903: 614900 / 168404 (mapo) |
|
| |
| Nombro de loĝantoj | 21735 (2008-12-31) |
| Areo | 306 km² |
| Loĝantardenseco | 71 loĝantoj/km² |
| Federacia Kodo | 0217 |
Geografio
redaktiLa distrikto Suba Simme-Valo etendiĝas kiel la nomo indikas en la suba parto de la valo de la rivero Simme ĝis ties alfluo al la Lago de Thun en la urbo Spiez.
Najbaraj distriktoj
redaktiLa distrikto limas en nordo al la distriktoj Schwarzenburg, Seftigen kaj Thun, en sudoriento al la distrikto Frutigen, en sudokcidento al la distrikto Supra Simme-Valo, kaj en okcidento al la distrikto Sense en Kantono Friburgo.
Historio
redaktiEk e 1449 la Suba Simme-Valo estis berna kamparvoktejo (germane nomita Kastlanei). En de la 15-a jarcento la loĝantaro de Suba Simme-Valo liberaĉetis sin de la impostservuteco de Berno, akiris propran terensuverencecon kaj disponis interne de la urba ŝtato Berno pri propra landkomunumo, kiu eĉ postvivis la Helvetan Revolucion kaj pluekzsitis ĝis 1836. Dum la epoko de la Helveta Respubliko inter 1798 kaj 1803 la Suba Simme-Valo estis distrikto de la tiama Kantono Oberlando. Ek de 1803 ĝi estis berna ĉefdistrikto respektive ekde la konstitucio de 1831 berna distrikto (germane nomita Amtsbezirk). Ekde la jaro 1997 la distrikto apartenas al la administra regiono Berna Oberlando kaj al la tribunala distrikto kaj terenregistro Frutigen-Nordo, kies tribunalsidejo troviĝas en Wimmis kaj terenregistro en Frutigen.
Trafiko
redaktiTra la distrikto pasas en nordokcidento la fervojlinio de Frutigen al Interlaken de la Berno-Lötschberg-Sempiono-Fervojo. De Spiez linio de la sama kompanio pasas tra la tuta Suba Simme-Valo al la Supra Simme-Valo ĝis Zweisimmen.
Laŭlonge de la Lago de Thun pasas la svisa aŭtovojo A8, kiu havas flankan brakon al la Suba Simme-Valo.
Komunumoj de la distrikto Suba Simme-Valo
redaktiLa distrikto Suba Simme-Valo konsistas (stato en 2009) el 9 komunumoj, el kiuj Spiez estas la plej granda kaj unika urbo. La distrikta ĉefloko Wimmis posedis historia urborajton ĝis 1449 kiam Berno akiris ĝin. Jen la listo:
| Blazono | Nomo | Loĝantoj (2008-12-31) |
Areo en km² |
Komunumkodo |
|---|---|---|---|---|
|
Därstetten | 857 | 32,8 | 0761 |
|
Diemtigen | 2145 | 130.0 | 0762 |
|
Erlenbach en Simme-Valo | 1694 | 36.7 | 0763 |
|
Niederstocken | 267 | 5.5 | 0764 |
|
Oberstocken | 284 | 4.1 | 0765 |
|
Oberwil en Simme-Valo | 804 | 46.0 | 0766 |
|
Reutigen | 956 | 11.3 | 0767 |
|
Spiez | 12'453 | 16.8 | 0768 |
|
|
Wimmis | 2275 | 22.3 | 0769 |
| Totale | 9 | 21'735 | 305.5 | 0217 |
Eksteraj ligiloj
redakti- Vidu ankaŭ en la Vikimedia Komunejo la kategorion Distrikto Suba Simme-Valo – (Kolekto de bildoj kaj plurmediaj dosieroj)