Bryan Adams

Bryan Guy ADAMS (naskiĝis la  5-an de novembro 1959(nun 1959-11-05) en Kingston, Ontario) estas kanada rokmuzika kantisto. Ekde 1983 li en pli ol 30 landoj atingis unuajn rangojn pri siaj kantoj.

Bryan Guy Adams
en 2007
Bazaj informoj
Naskonomo	Bryan Guy Adams
Naskiĝo	5-an de novembro 1959 (1959-11-05) (64-jaraĝa) en Kingston, Ontario,  Kanado
Ĝenroj	rokmuziko
Instrumentoj	voĉo, gitaro, basgitaro, piano, buŝharmoniko
Aktivaj jaroj	1983 ĝis nun
Retejo	www.bryanadams.com
Influita de Led Zeppelin • Humble Pie • The Beatles • The Beach Boys • The Who • Alice Cooper • Black Sabbath • Big Brother and the Holding Company • KISS • Deep Purple • David Bowie • Creedence Clearwater Revival • Pink Floyd vd
Persona informo
Naskonomo	Bryan Guy Adams
Lingvoj	angla
Loĝloko	Kingston
Ŝtataneco	Kanado Unuiĝinta Reĝlando (Britio)
Alma mater	Argyle Secondary School (en) (1973–) Sutherland Secondary School (en) Colonel By Secondary School (en) Henry Munro Middle School (en) American International School Vienna (en)
Familio
Amkunulo	Alicia Grimaldi (en)
Infanoj	Mirabella Bunny Grimaldi Adams (en) , Lula RosyLea Grimaldi Adams (en)
Okupo
Okupo	gitaristo rokmuzikisto pacaktivisto fashion photographer (en) homrajta aktivulo kantisto aktoro komponisto muzikproduktisto basisto fotisto diskografa artisto
TTT
Retejo	https://www.bryanadams.com

Privata vivo

Bryan Adams naskiĝis kiel filo de britaj gepatroj. La patro, Conrad J. Adams, estis membro de la armea diplomata servo kaj la patrino, Elisabeth Jane Adams, laboris kiel instruistino kaj bibliotekistino. La profesio de la patro kaŭzis multajn translokiĝojn. La familio ekzemple vivis en Israelo, Aŭstrio kaj inter 1967 kaj 1971 en Portugalio. La gepatroj divorciĝis meze de la 1970-aj jaroj, kaj Bryan kun sia patrino kaj la du jarojn pli juna frato translokiĝis al Otavo kaj iom poste al Vankuvero. La kantisto krom la angla ankaŭ parolas la francan lingvon.

Ekde la komenco de la 1990-aj jaroj Bryan Adams estas ano de veganismo kaj li subtenas la organizaĵon PETA por etika trakto de bestoj. Krome li ankaŭ estas dediĉita fotografisto. Plurfoje li ricevis premiojn por siaj fotografaj laboroj, ekzemple en 2006 la germanian premion LeadAward. Lia estas eldonanto de la fotografia magazino „Zoo Magazine“, fondita en Berlino.

Nun li vivas en Chelsea, suburbo de Londono.

Aktualaj projektoj

Por la Walt-Disney-filmo "Olddogs" de novembro 2009, kun la aktoroj John Travolta kaj Robin Williams, li verkis la titolon muzikaĵon "You've Been A Friend To Me" ("vi estis amiko al mi"). En la oficiala muzika filmeto pri la kanto Bryan Adams aktoras ĉiujn muzikistojn.

Februare 2010 publikiĝis la kanto "One World, One Flame" ("unu mondo, unu [olimpia] flamo"), kiun Bryan Adams verkis por la Vintra Olimpiko 2010 en Vankuvero. Dum la oficiala malferma celebraĵo de la Vintra Olimpiko Bryan Adams kun la same kanada kantistino Nelly Furtado prezentis la kanton "Bang The Drum" ("batu la tamburon") verkitan de li, aludante al la indiĝenaj indianoj de la vankuvera regiono.

Diskografio

Studiaj albumoj

• 1980: Bryan Adams
• 1981: You Want It, You Got It ("vi volas ĝin - vi ricevis ĝin")
• 1983: Cuts Like a Knife ("tranĉas kiel tranĉilo")
• 1984: Reckless ("senbride")
• 1987: Into the Fire ("en la fajron")
• 1991: Waking Up the Neighbours ("vekante la najbarojn")
• 1996: 18 Til I Die ("18-jara ĝis mi mortos"
• 1998: On a Day Like Today ("je tago kiel hodiaŭ")
• 2004: Room Service ("ĉambroservo")
• 2008: 11 ("dekunu")
• 2014: Tracks of My Years
• 2015: Get Up
• 2019: Shine a Light
• 2022: Pretty Woman - The Musical
• 2022: So Happy It Hurts
• 2022: Classic

Koncertaj albumoj

• 1988: Hits on Fire (duobla albumo)
• 1992: The Live Volume ( disko aldona al "Waking Up the Neighbours"en Japanio)
• 1993: So Far So Good
• 1994: Live! Live! Live!
• 1997: MTV Unplugged
• 1999: The Best of Me
• 2001: Do to You What You Do to Me (koncerto en Mumbajo, Barato)
• 2002: Spirit – Stallion of the Cimarron (kantaro por samnoma desegnita filmo)
• 2005: Anthology

kaj aldone multaj unuopaĵoj de kantoj kaj pluraj lumdiskegoj respektive vidbendoj.

Eksteraj ligiloj

• anglalingva retejo de Bryan Adams
• germanlingva retejo de Bryan Adams
• Last.fm
• hispanlingva retejo pri li Arkivigite je 2006-12-12 per la retarkivo Wayback Machine