Bernhard Eichkorn
Bernhard EICHKORN [Ajĥkorn] (naskiĝis la 22-an de marto 1934, do nun 90-jara) estas germana katolika pastro kaj esperantisto.
| Bernhard Eichorn | |
|---|---|
 | |
| Persona informo | |
| Naskiĝo | 22-a de marto 1934 en vilaĝo Bettmaringen, kiu nun apartenas al Stühlingen, ĉe la germana landlimo al Svislando |
| Lingvoj | Esperanto • germana |
| Nacieco | germano |
| Ŝtataneco | Germanio 
|
| Okupo | |
| Okupo | esperantisto (1975–) katolika sacerdoto
|
| Esperanto | |
| Verkis en Esperanto | * Eta Sabat-Dimanĉa Breviero, Meßkirch 1985
|
| Esperantistiĝis en | 1975 |
Vivo kaj profesio
redakti
Bernhard Eichkorn naskiĝis en 1934 en vilaĝo Bettmaringen, kiu nun apartenas al Stühlingen, ĉe la germana landlimo al Svislando. Li vizitis la Heinrich-Suso-Gimnazion en Konstanz de 1948 ĝis 1955. Poste li studis de 1955 ĝis 1960 katolikan teologion (kaj iom da historio kaj psikologio) precipe en Freiburg (Breisgau), sed ankaŭ je 1957/58 du semestrojn en Munkeno kaj la finan jaron en la porsacerdota studseminario en St. Peter (Hochschwarzwald).
Je 1960 li estis ordinita kiel sacerdoto de la ĉefepiskopejo Freiburg (Breisgau). Post mallonga deĵoro en Weil am Rhein li estis vikario de 1961 ĝis 1964 en la paroĥo St. Martin en Karlsruhe kaj poste ĝis 1967 en St. Konrad en Villingen. En 1967 li fariĝis pastro en la paroĥo Unterkirnach. Aldone li laboris kiel junulara animzorganto de la dekanujo Villingen kaj kiel regiona animzorganto de CAJ (Christliche Arbeiter-Jugend), ĝis en 1972 li fariĝis Regionaldekan (Regiona Dekano) en la distrikto Schwarzwald-Baar kaj krome kiel honor-ofica Kreisjugendpfleger (distrikta zorganto pri junularaj aferoj).
En 1980 li fariĝis pastro de la paroĥo St. Martin en Meßkirch kaj dekano de la dekanujo Meßkirch. En 1988 li revenis al Villingen (intertempe Villingen-Schwenningen) kaj fariĝis pastro de la paroĥo St. Fidelis. Je la 31-a de decembro 2003 li pensiiĝis.
Esperantista vivo
redaktiJam ĉirkaŭ la jaro 1950 li renkontis Esperanton en Konstanz okaze de prelego de Richard Coudenhove-Kalergi. En 1975 li lernis Esperanton pro malsukceso kun sia abituria Franca dum junulara renkontiĝo en Francio.
Li kunlaboras en Internacia Katolika Unuiĝo Esperantista (IKUE), precipe pri ekumenaj demandoj, kaj kun Adolf Burkhardt li revivigis la Ekumenan Komisionon fonditan post la 1-a Ekumena Esperanto-Kongreso en 1968 en Limburg ĉe Lahn. En tiu komisiono li ĝis nun laboras.
Krome li kunfondis Baden-Virtembergan Esperanto-Ligon BAVELO, la regionan societon de Germana Esperanto-Asocio (GEA), kie li laboras kiel afergvidanto en la BAVELO-estraro.
Li kunlaboras en la organizado de kristanaj Esperanto-aranĝoj, precipe de
- Bibliaj Semajnfinoj
- Ekumenaj Esperanto-Kongresoj
- Junularaj Ekumenaj Esperanto-Tendaroj
Li grave kunlaboras en la eldonado de kristanaj publikaĵoj en aŭ pri Esperanto, helpante en ilia kompilado kaj organizante la financadon kaj distribuadon. Ekzemploj estas:
- la gazeto Ökumenisches Esperanto-Forum (1991-2003)
- la libro "Esperanto - das neue Latein der Kirche" de Ulrich Matthias (1999)
- la ekumena kant- kaj preĝlibro ADORU (2002)
- la nova eldono de la esperanta Biblio (2006)
Li instigis sian iaman messervanton Armin Gmeiner eldoni librojn kaj broŝurojn en kaj pri Esperanto, kaj forte subtenis lin en tiu agado.
Fine de 2007, li komencis verki kristanan fakvortaron Esperanto-germanan. Je 2008.12.01 tiu vortaro atingis 40 % de la antauvidita unua ŝtupo (traduko de la Lexikon für Theologie und Kirche). Laŭplane ĝi atingos 100 % de la unua ŝtupo en 2010. La nuna stato de la kristana vortaro estas videbla en la ret-paĝaro de Bernhard Eichkorn (vidu en la Eksteraj Ligiloj).
Verkoj
redakti- Eta Sabat-Dimanĉa Breviero, Meßkirch 1985
- Plurlingva nomaro de sovaĝaj plantoj en Eŭropo (redaktita de "Rondo de Esperantistaj Flaŭristoj" (REF) en Kultura Centro Esperantista La Chaux-de-Fonds), Meßkirch 1988
- Liturgio de la Preĝ-Horoj: Legaĵoj, dua jarciklo, Advento, Villingen 2001
- Esperanto en la servo de la ekumena movado, en Esperante kaj ekumene, p. 41-67 (2004)
- La kompletorioj de la semajno. Lasta prilaboro: Villingen-Schwenningen 2008
- Mein Dorf, meine Stadt und Gottes Barmherzigkeit. Aus dem Leben eines Gotteskindes. (Aŭtobiografio: Mia vilaĝo, mia urbo kaj Dia graco. El la vivo de Dia infano.) Gmeiner-Verlag, Meßkirch 2014, 3-a eldono 2017
- Joseph Ratzinger (Benedikto la 16-a): La Patronia. Meditoj pri la Preĝo de la Sinjoro. tradukis Bernhard Eichkorn, Villingen 2018
- La Kateĥismo de la Katolika Eklezio. Kompendio. Tradukis Armando Zecchin, Bernhard Eichkorn kaj Antonio De Salvo; eldonis Bernhard Eichkorn. Gmeiner-Verlag, Meßkirch 2020, 207 p.
Aŭtorrajtoj
redaktiLa verkaro de Bernhard Eichkorn, inkluzive lian retpaĝaron kaj tie situantan Kristanan Fakvortaron, estas disponebla laŭ la permesilo Krea Komunaĵo Atribuite 3.0 Germanujo, kion pruvas la rikordo OTRS #2009110910044061. La origina subskribita dokumento pri livero de la permesilo troviĝas en la arkivejo de la Biblioteko Hector Hodler.
Distingoj
redakti- En 2002, li ricevis kune kun Adolf Burkhardt kaj Albrecht Kronenberger la FAME-premion (Aalener Esperanto-Kulturpreis de FAME-fondaĵo).
- La 7-an de decembro 2007, la germana prezidento Horst Köhler distingis lin per Federacia Meritkruco (Bundesverdienstkreuz am Bande). La solena transdono de la ordeno okazis la 20-an de majo 2008.
Eksteraj ligiloj
redakti- BernhardEichkorn.de - la retpaĝaro de Bernhard Eichkorn kun parto en Esperanto
- Südkurier: Großer Seelsorger feiert Jubiläum
- Stuttgarter Nachrichten: Vielfältig engagierter Geistlicher[rompita ligilo]
- Stuttgarter Nachrichten: Bernhard Eichkorn hinterlässt viele Spuren[rompita ligilo]
- Libroj kaj aliaj dokumentoj Arkivigite je 2021-05-11 per la retarkivo Wayback Machine de kaj pri Bernhard Eichkorn en la viena Kolekto por Planlingvoj kaj Esperantomuzeo