Altenburg

Ĝemelurboj
	Olten • Offenburg • Villeurbanne • Dobele vd

	Altenburg
Altenburg (Germanio)
urba komunumo de Germanio • ĉefurbo de distrikto en Germanio
Ĝemelurboj
	Olten • Offenburg • Villeurbanne • Dobele vd
Administrado
Federacia lando	Turingio
Distrikto	Distrikto Altenburger Land
Urborajtoj	Urbo (Stadt)
Telefona antaŭkodo	03447
Poŝtkodo	04600
Aŭtomobila kodo	ABG
Oficiala Municipokodo	16077001
Subdivido	3 komunumopartoj (Ortsteile)
Politiko
Komunumestro	Michael Wolf
Titolo de komunumestro	Oberbürgermeister
Partio de komunumestro	SPD
Adreso de la administrejo	Markt 1
Demografio
Loĝantaro	31315 (stato 2022-12-31) [fonto: landa statistika oficejo]
Geografio
Geografia situo	50° 59′ N, 12° 26′ O (mapo)50.98512.433333333333Koordinatoj: 50° 59′ N, 12° 26′ O (mapo)
Alto super la marnivelo	227 m
Areo	45,60 km²
Oficiala retejo	https://www.stadt-altenburg.de/
	v • d • r

Altenburg estas ankaŭ germana nomo de la komunumo Baia de Criş en Rumanio.

Altenburg estas urba komunumo en Germanio. Ĝi troviĝas en la distrikto Altenburger Land de la federacia lando Turingio kaj estas la administra centro de la distrikto. Fine de decembro 2022 la komunumo havis 31 315 loĝantojn.

Historie Altenburg estis ĉefurbo de la ernesta duklando Saksio-Altenburg.

Historio

La unua dokumenta mencio estis de 976 kaj ricevis la urbajn rajtojn en 1256. Altenburg estis rezidejo ekde 1603. En 1810 aktivis surloke la eldonisto Friedrich Arnold Brockhaus. En la jaro 1920-a ĝi turingiiĝis. Historie gravas en la urbo Konvento magdalena de la protestantisma eklezio. Historie grava gimnazio estas la Gimnazio frederika.

Industrio kaj kulturo

La urbo estas grava industria loko; inter la plej gravaj branĉoj nombriĝas la produktado tradiciriĉa de ludkartoj, de elektraj aparatoj kaj de cigaroj. De multaj jarcentoj famas la Teatro de Altenburg.

Vidindaĵoj

Dominas la silueton la kastelego sur vasta kaj kruta roko. Tiu plej konata vidindaĵo konstruitis inter 1723-30. Sur la liberaera scenejo en la korto kastela okazas regule dum someroj teatraĵenscenejigoj kaj ĝi enhavas i.a. muzeon pri ludkartoj.

Krome vidindas la Urbodomo de Altenburg (1562-64, renesancstila), la trinava urbokirko Sankta Bartolomeo (fino de la 15-a jc) kaj kelkaj burĝaj domoj datumantaj de la 16-a ĝis la 18-a jc., krom la Muzeo Lindenau. Interesaj klarigoj pri bierfarado ricevatas en la Muzeo pri bierfarado. Por emuloj de natursciencaĵoj rekomendatas vizito de la Muzeo Mauritianum.

Konvento magdalena (germane: Magdalenenstift) estas monumentprotektitaĵo en la centro de Altenburg kaj sidejo de Fondaĵo Ev.-Luth. Magdalenenstift. Arĥitekture ege interesas la Tombeja preĝejo Resurekto de Jesuo. Nuptemuloj iru al Pohlhof. En la Urba arbaro supre de la municipo troviĝas Bismarck-turo. La romkatolika Epifanio-kirko eje estiĝis el varieteo. Konatas ankaŭ la historia frizejo de Grosse kiu nun estas muzeo.

Lulilo skata

La urbo Altenburg estigis la skato-kartludon. La reguloj de la Ĝenerala germana skatregularo difinitis kaj fiksitis en la 1886-a jaro. Ene de la kastelo troviĝas kartludmuzeo belega. Skatoputo staras antaŭ la Seckendorff-palaco.