Subita korhalto

Subita korhalto, estas kiam la koro subite kaj neatendite ĉesas bati. Kiel rezulto, sango ne povas ĝuste cirkuli ene de la korpo kaj malpliiĝas la sangofluo al la cerbo kaj aliaj organoj. Kiam la cerbo ne ricevas sufiĉe da sango, tio povas kaŭzi, ke oni perdas konscion. Komato kaj persistenta vegetativa stato povas esti la rezulto de la subita korhalto. Korhalto estas identigebla per manko de centraj pulsoj kaj nenormala aŭ forestanta spirado.

Nur tre mallonga tempo, 3–5 minutoj, estas disponebla por efika interveno, pli longa tempo kondukas al neinversigebla cerba kaj kora damaĝo. La plej ofta kaŭzo de subita korhalto estas koronaria kormalsano.