Reprezalio

Reprezalio estas perforta agado, jure malpermesita, per kiu armeo aŭ armita grupo respondas al malamika agado, ekzemple forbruligante vilaĝon.

Pli precize: en milito, reprezalio estas limigita kaj intencita malobservo aŭ rompo de la milita juro por puni malamikon pli frue rompintan la miltan juron. Laŭleĝeco de reprezalio distingus ĝin de kruelaĵo aŭ teruraĵo.

Politika reprezalio estas la ofte uzata termino por amasaj punagoj (mortigoj, ekzilo ktp.) kontraŭ politikaj malamikoj. Inter ili konatas:

• politika teroro de jakobenoj en Francio (1793-1794),
• la "ruĝa teroro" en Rusio (1918-1921),
• la frankisma ekstermado farita de sekvintoj de Franco dum kaj post la Hispana Enlanda Milito (1936-1939),
• la purigado de supozitaj kontraŭantoj kaj en Germanio kaj en la okupitaj landoj de la reĝimo de Hitlero dum la Dua mondmilito (1939-1945),
• la stalinismaj reprezalioj en Sovetunio (1930-1953),
• la ekstermado de maldekstruloj farita de la reĝimo de Pinochet en Ĉilio dum lia diktaturo (1973-1988),

kaj multaj aliaj.