Blankdorsa himantopo: Malsamoj inter versioj

La '''Blankdorsa himantopo''', ''Himantopus melanurus'', troviĝas en [[estuaro]]j, [[lago]]j, salaj flokoj, salfarejoj kaj rimarkindaj humidejoj de la supre menciita teritorio. Ankaŭ en laŭsezone humidejoj.

Tiu specio manĝas per bekoplukado en kotejoj kaj lagobordoj, sed ankaŭ en tre profundaj akvoj ĉe strandoj; ĝi serĉas [[krustulo]]jn, [[artropodo]]jn, [[molusko]]jn, akvajn [[senvertebrulo]]jn kaj fiŝetojn. Kiel manĝejoj tiu specio preferas estuarojn, salaj lagetoj kaj inunditaj terkulturejoj. Kiel restadejoj ĝi elektas lagobordojn kaj insuloj en neprofundaj akvoj. Ili estas solaj, laŭ paroj aŭ laŭ grupoj de ĝis cento. Kelkaj utiligas teknikon de '''malproksimigo de eventuala danĝerulo per ŝainigo de vundita flugilo'''. Aliaj povas rabie ataki fremdulojn.

Tiu specio de himantopo elektas kotejojn, sekigitajn lagobordojn kaj digojn kiel nestolokojn, se la planko estas diserigebla. Tiu specio estas klasita kiel mezkolonia ĉar nestoj lokiĝas en izolitaj aroj. La nestoj establiĝas kutime '''ne tro proksime de akvobordo''' pro sekureco kaze de plialtiĝo de akvonivelo. La nesto estas enplanka truo kun kelkaj branĉetoj aŭ folioj ĉe digeto aŭ elkota monteto.

Kelkaj opinias, ke temas pri kvin diversaj specioj de himantopoj kaj aliaj konsideras ilin kvin subspeciojn de [[Himantopo]]. La nordamerika formo nome [[Nigrokola himantopo]] havas malhelan kapon kaj blankan makuleton super okulo kiu ŝajnas duonmasko, dum tiu ĉi sudamerika formo '''Blankdorsa himantopo''', ''Himantopus melanurus'', havas pli blankan kapon, ĉirkaŭ du trionojn, blanka kaj pro tio la blanka makulo ĉirkaŭokula ne videblas.