PP (CAR)
Artéccol in dialètt mudnés L’Ìśula dal Bàmbuli (ciamàda Isla de las muñecas in spagnōl), 'l è 'n sit turìstic dal Mèsic, urganiśâ cuma chinampa in dla Lagùna Teshuilo, ch'al s cata a vint-i-òt km a sud da Sità dal Mèsic. Cal pòst chè 'l è dimóndi caraterìstic parchè 'l è pîṅ ad bàmbuli impicàdi dapartùt su gl'àlbar, inciuldàdi a 'l mur o pugiàdi par tèra, in tut al manéri a s trata 'd bàmbuli vèci e frusti, scavśàdi, marsìdi, śbrargàdi, pîni 'd mufa o cun di òć vōd, muśnènti, daspatnàdi e quaciàdi da tlarédi e insèt. 'L è 'n sit ch'al mét paùra, specialmènt ad nòt o quànd a tira 'l vènt e 'l bàmbuli i s mōvan da par lōr. Cal muśèo chè dla scarésa 'l è stâ mis in pē a la fîṅ di an Sinquànta p'r un cuntadèṅ uriginàri dal quartēr ad La Asunción ciamâ Don Julián Santana Barrera ch'l à bandunâ la sò famìja par prutéś'r al spìrit dna putìna ch'a sò dita l'éra andgàda in chi àqui lè sénsa che lò al gh la cavìs a salvàr-la. 'L óm 'l éra stâ bòṅ sōl ad pascàr na sò bàmbula e 'd tgnir-la dacàt ligànd-la a na piànta par purtàr-ag rispèt. In séguit al gh'à catâ gust cuntinuànd a muciàr sù dal bàmbuli, catàdi sù in dal rusc o tiràdi fóra da i canài, par dar sudisfasiòṅ a l'anma dla pòvra putìna. |
{{{PREAMBOLO}}} {{{MAGGIORI}}}: {{{INGLESE}}} (English) · {{{TEDESCO}}} (Deutsch) · {{{FRANCESE}}} (Français) · {{{POLACCO}}} (Polski) · {{{ITALIANO}}} (Italiano) · {{{GIAPPONESE}}} (日本語) · {{{OLANDESE}}} (Nederlands) · {{{SPAGNOLO}}} (Español) · {{{PORTOGHESE}}} (Português) · {{{RUSSO}}} (Русский) · {{{MINORI}}}: {{{CORSO}}} (Corsu) · {{{FRIULANO}}} (Furlan) · {{{LIGURE}}} (Liguru) · {{{LOMBARDO}}} (Lumbart) · {{{NAPOLETANO}}} (Napulitano) · {{{PIEMONTESE}}} (Piemontèis) · {{{SARDO}}} (Sardu) · {{{SICILIANO}}} (Sicilianu) · {{{TARANTINO}}} (Tarandine) · {{{VENETO}}} (Vèneto) · Sassaresu | ||||||||||||||||
{{{PREAMBOLO}}}
| |||||||||||||||||
Sala stampa (IT) Contatti (IT) |