Pärma

Artìcol in dialètt pramsân

Pärma l'è n c'mòn äd 187.214 abitant, capoluôg d'la provênsa 'd Pärma. Antiga capitäla dal Ducät ed Pärma e Piasensa (1545 - 1859), dal 2003 l'è seda dl'Autoritä Europea par la Sicuresa Alimentära (EFSA) e dal 1956 del Magistré pr'al Po, al dì d'incò Agensia Interegionäla pr'al fium Po (AIPO).

Geografiä

«

Come capitale le competeva un fiume, a Parma, ma siccome è una piccola capitale le è toccato un torrente, spesso asciutto»

(Attilio Bertolucci)

Situäda in Emélia, tra î Apenén e la Pianura Padana, la citè l'è dvisa in du dal torent Pärma, afluent dal Po che, apen'na primma d'enträr in'tal cör dàl centör storic, ricéva ì aquî dal afluent Bagansa. Al torent Pärma l'è un cors d'aqua con un regim mutevole, c'l alterna di pin'ni tumultuosî d'la stagiön invernäla a desolädî sèchî estivî. Al inizî d'l '800 al stés lēt dal torent al gnèva ristrèt dentör altî mùr, al lungopärma apônt, cal consegnön a la citè un profil continuo e molt artistic.

Artéccol in dialètt mudnés

Pèrma l'è una zitê ed 182.800 cristiân, capolôgh ed la pruvèinza ed Pèrma

Geografìa

Tajèda in dû d'al turèint c'al g'ha l'istèss námm d'la zitê, Pèrma l'a-s càta in Emélia tra la Pianura Padana e i Appennèin.

Artéccol in dialàtt bulgnaiṡ

Pèrma l'é 'na zitè ed 177.069 abitant, capitèl d' la pruvénzia d'Pèrma.

Geugrafî

Taiè in du dal turänt ch'l à al stèss nomm d'la zitè, Pèrma l'é in Emégglia stra la Basa Padèna e i Apenén.

Artìcol in dialët piaṡintëin

Pärma l'é un cumoin ad 175.789 abitant, capitäla d' la pruvincia d' Pärma. In tre tütt i sò quatièr, al püsà gròs all'è Gulës.

Geugrafìa

Taiä in dü dal turëint ca 'l g'ha 'l stes num d' la citä, Pärma l'é in Emilia tra la Pianüra Padana e i Appennini.

Artécol in dialèt arzân

Pèrma ( Parma in italiân) l'é un cmûn ed 175.789 abitânt, cèinter principêl ed la pruvîncia ed Pèrma. Antîga capitêla dal Duchêt ed Pèrma e Piaṣèinsa (1545 - 1859), dal 2003 l' é al pôst ed l'Autoritê Europea per la Sicurèsa Alimentêra (EFSA) e dal 1956 del Magistrêt pr'al Po, al dé d'incō Agenséia Interegionêla pr'al fióm Po (AIPO).

Geograféia

«

Come capitale le competeva un fiume, a Parma, ma siccome è una piccola capitale le è toccato un torrente, spesso asciutto»

(Attilio Bertolucci)

Situêda in Emélia-Rumâgna, tra j Apenèin e la Pianûra Padâna, la sitê l'é divîsa in dû dal torèint Pèrma, ch’al va dêr int al Po che, apèina préma d'entrêr int al cōr dal cèinter stôric, al ricêv al j âcvi dal Bagansa. Al turèint Pèrma l'é un cōrs d'acva cun un regém variâbil, ch’ al pâsa dal furèinti pîni ed la stagiòun invernêla a fiâchi sèchi estîvi. A l’ inési ed l’ '800 al ‘stès lèt dal torèint al gnîva ristrèt dèinter êlti mûri, al lòungopèrma apûnt, che dân a la sitê un profîl cuntènov e dimòndi artéstich.

Artìcol in dialètt frarés

Parma l'è na zità italiana dl'Emilia. La stà sla Via Emilia, la g'à 175.789 abitant e la fà pruìnza. La sò pruìnza la g'à ad sòra un pezz ad Pianura Padana infin al Po e ad sòta l'Apenin Emiliàn. La's tròva in tal punt d'incontar ad dò turént, al Baganza, ch'al và a finir in tal Parma. Quest chì al pasa in mezz a la zità e l'è n'afluént dal Po. Parma la iéra la capitala dal Ducàt ad Parma e Piasénza (1545-1859). Dal 2003 a'g stà la Sede dl'Autorità Europea par la Sicureza Alimentar (EFSA) e dal 1956 dal Magistrat par'l Po, ch'al dì d'incò al's ciama "Agenzia Interegionale pr'al Fium Po".

Geografia

«

Come capitale le competeva un fiume, a Parma, ma siccome è una piccola capitale le è toccato un torrente, spesso asciutto»

( Attilio Bertolucci)

C'mònni dla pruvênsa 'd PärmaCmûn ed la pruvîncia ed Pèrma

Albarèin • BàrdiBârdi • BedòniaBedônia • BarsäiBarsâi • BóriBôri • Al BurghAl Bōregh • BuséBusê • CalistànCalistân • Coléc • ColórniColôren • CumpiànCumpiân • CornìjCurnèj • FlénFlèin • FidénsaFidèinsa• FuntanléFuntanlê• FontvìvFuntvîv • FornövFurnōv • LanghirànLanghirân • LesgnànLesgnân • MedsànMedsân • MzànMzân• MóncMōnch • MontcrüghelMuntcróghel • NeviànNeviân • Nozèi • PalanzànPalansân • PärmaPèrma • Pelegré • PulésenPulêsen • RocabiàncaRocabiânca• SèlaSêla• SälsSêls• Sansgònt • Sèsa • SolgnànSolgnân • SuràgnaSurâgna • SòrbolSôrbol • Trénz • TisànTisân • TòrnolTôrnol • TorìlTurîl • TraversédolTraversèdel • TricasèlTricasê • ValmùslaValmósla • VarànVarân • VärzVêrz • Zibèl