Yesu

Yesu Kristo

Yesu, amesi woga yɔna be Yesu Nazaret-tɔ la, enye ame si enye ame vevietɔwu na Kristotɔwo katã le xexeame godo. Woga yɔnae be Yesu Kristo hã. Wotsɔ Yesu ŋkɔa tso Helagbe me Ίησους (Iēsous). Yudatɔwo, si gbɔ ŋkɔ sia tso gbã la, yɔnae be יהושע (Yehoshua) alo ישוע (Yeshua). Eƒe gɔmeɖeɖe enye "YHWH enye ɖeɖe". Kristo tso Helagbe Χριστός (christós) me. Esia tso Yudagbe משיח - (machiakh) alo Mesaya, si gɔme enye "amesi wosi ami ɖe ta na".

Yesu Kristo nye Mawu ŋusekatatò ƒevi. Èɖi tsò dzipò vanɔ amegbetòwò dome. Ènɔ agnigba dzi wo ƒe bla etɔ vɔtɔ. Ema yomela, eku eye wòɖii. Le ŋkeke etɔ megbe la, efɔ tso amekukuwo dome. Etro yi dziƒo bɔbɔ non anyi ɖe efofo ƒe ɖusi me. Àtrova àdronʋɔnu amegbetowo kata ne fofa ƒe game su.

Alẽkplɔlawo va Yesu gbɔ

Ne ameade xo edzi se be Yesu Kristo yenye Mawu ƒe vi la, amema áxɔ agbemavɔ eye ne wogaku eye wòɖii hãla, ne Yesu Kristo trɔva kola, amema ánɔ agbemavɔ le Mawu kple Yèsu gbɔ. Nùsi wolèbè amegbetò nanya ye nye be Yesu Kristo ɖeka yegne mɔla, nyaateƒela kple agbela.

Nusiwo míenya tso Yesu ŋuti la tso Biblia la ƒe Nyanyuiegbalẽ eneawo, si wo le Nubabla yeyea me me. Ame geɖe siwo nyaa nu le Biblia la ŋuti, xɔ edzi se bena Yesu enye Yudatɔ, si tso Galelia la. Wo ga xɔe se hã bena eyae enye nufiala, atikewɔla kple dɔyɔla, amesi Yohannes Tsitadela la de tsi ta na, eye wo hee ɖe ati ŋu le Yerusalem, le nunɔla Pontio Pilaté te. Nusrɔla ʋea ɖewo hã gblɔna bena Yesu ɖeke menɔ anyi le xexeame akpɔ o.

Kristo subɔlawo ƒe xɔse enye be Yesu enye Mesaya alo Xɔla si ƒe vava wogblɔ daɖi le Nubabla xoxoa me, eye bena éfɔ tso ku me le eƒe hehe ɖe ati ŋu megbe. Eƒe subɔlawo xɔe se be Yesu enye Mawu, vi la ŋutɔ, si va be yea na ɖeɖe amegbetɔwo, eye yea he wo va ye gbɔe. Kristotɔwo ga xɔe se bena dzetugbui ye dzii, eye eƒe agbe kple dɔwɔwɔwo katã na nyagblɔɖi siwo wogblɔ daɖi tso blema ke la, va eme. Wo ga xɔ edzi se bena Yesu ga trɔ yi dziƒo, eye wo gale tɔtrɔ ge ava anyigbaa dzi zi eveliae.

Mohameɖ subɔlawo kpɔa Yesu abe nyagblɔɖilawo dometɔ ɖeka ene. Wo me xɔe abe Mawu ŋutɔ o. Wo me xɔ edzi se bena wo he Yesu ɖe ati ŋu eye wo ku o. Wo lɔ̃ bena Yesu yi dziƒo eye wo le mɔkpɔm be aga trɔ ava ne xexeame yɔ fũ kple eƒe nuvɔ̃wo.