Deylem
Deylem ya zi Deylemıstan (be Erebki: دیلام Deylam, be Farski: دیلمان Deyleman), dorvero koyıno ke rocawanê dengızê Xezeri dero. Nameyê xo zaf rewın û tarixkiyo. Rocvetışê cı de Taberıstan/Mazenderan, rocawanê xo de zi Gilan esto. Na mıntıqa zaf koyına û goreyê cayanê binan ra zaf erey biyo mısılman. Deylemıci seserra 9ıne ra dıme Şıitiye qebul kerda. Hetan o wext şarê Deylemi Zerdûşti bi. Deylemıci demê Sasaniyan de eskerê esparıni (süwariyi) biy. Dewletanê Tırkan û Ereban de zi eskerê pereyıni biy. Selehettin Eyyubi zi pawıtışê Qudısi dayo Deylemıcan. Sey İmparatoriya Partıcan, Sasaniyan û sey dewletanê Şıi Bûweyhiyan, Tahiriyan û Ziyariyan hetê Deylemıjan ra roniyayi. Qelayê Alamuti zi mıntıqaya Deylemıjan de roniyayiya. Zafiya Heşhaşiyan (haşhaşi) Deylemıci biy. Dewleta Selçukıcana Gırde pê suikastanê heşhaşiyan meydan ra ameya wedartış. Deylemıcan seserra 11ıne ra dıme koç kerdo Anatoliye. Melumatanê tarix û zıwanşınasnayışi ra, goreyê William Burley Lockwood, Vladimir Minorski, David.N.Mackenzie, Karl Hadank, Arthur Christensen û xeylê merdumanê binan ra, Deylemıci Zazayê ewroyınê û khalıkê Zazayan qebul kerdo. Hema zi nameyanê Zazayan ra yew zi Dımıliyo. Çekuya Dımıli Deylemi ra yena, tenya fek de bineyk vurriyayış ameyo meydan.
| Deylem | |
|---|---|
  | |
| Melumat | |
| Xısusiyet | City of Iran û Mıntıqay coğrafya |
| Dewlete | İran |
| Ware | Deylaman District |
| Geokod | 136296 |
| Xerita | |
 | |
Çımeyi
bıvurne- Minorsky, 1964: dipnot 63: 30
- Minorsky, 1965: 192-93
- Les Dialects D'avroman Et De Pewa, A. Christensen, 1921, Kopenhag
- W.B.Lockwood, A Panorama of Indo-European Languages, London 1972.
- John A. Shoup, Ethnic Groups of Africa and the Middle East.
- Deylem - Seyfi Cengiz
- Ali Kaya Deylemden Dersime