Amin Alhassan
E-Class
Amin Alhassan ka niriba pam mi o Prof. Amin Alhassan. O nyɛla Dagbana ŋun yi Ghana Tudu yaɣili palo na. Ŋuna n-nyɛ zuɣulana zaŋ ti Ghana Broadcasting Corporation (GBC).[1][2] O lahi nyɛla vihirovihiro ka di kpɛm pam ka o vihigu (research) yaa tooi jɛndila lahabali wuligibu (communication).[1][2][3]
Piligu
[mali niŋ | mali mi di yibu sheena n-niŋ]Tamale Mohi Fɔŋ ka bɛ daa dɔɣi Amin Alhassan ka o laamba lee yi Savelugu na. Tamale maa ka o lahi zooi. O ba daa malila paɣa bobigu ni bihi pam dinzuɣu dundɔŋ titali ni ka o daa zooi.[4]
Shikuru Baŋsim Bɔbu
[mali niŋ | mali mi di yibu sheena n-niŋ]Amin Alhassan pilila shikuru Tishigu Anglican Primary School din be Tamale la, n-daa naai yi ni maani chaŋ Tishigu Anglican Middle School. O nyɛla karimbi' kuro zaŋ ti Navrongo Secondary School (NAVASCO); ni ka o daa niŋ o "O" Level. O ni daa naai ni o daa labila Tamale na n-ti niŋ o "sixth form" Tamale Senior Secondary School (TAMASCO).[4]
Din nyaaŋa, o daa chaŋla lahabali sabiriba shikuru be Ankara ka di yuli booni Ghana Institute of Journalism la.[2] yuuni 1987 ti kpa 1989 yuuni ka o daa karim ni maani naai.
Amin daa lahi chaŋla University of Tampere ka do be Finland n-ti karim "Mass Journalism and Mass Communication" ka dee di "Masters degree" shahira gbaŋ. O daa lahi kpuɣi napɔŋ chaŋ Concordia University din be Canada la n-ti karim Communication and Culture ka dee di "PhD" shahira gbaŋ.[2][4]
Tuma
[mali niŋ | mali mi di yibu sheena n-niŋ]Prof. Amin namin nyɛ karimba (lecturer) zaŋ ti karimzɔŋ karili yuli booni McGill University din be Canada tiŋ yuli booni Montreal la. O daa wuhila lala karimzɔŋ karili ŋɔ ni Silimiin' gɔli September 2003 yuuni ti kpa Silimiin' gɔli June 2004 yuuni.
Silimiin' gɔli July yuuni 2004 ti kpa Silimiin' gɔli April yuuni 2012, o daa lahi nyɛla karimba (Associate Professor) n-ti "Department of Communication Studies" yaɣili din be karimzɔŋ yuli booni University of Toronto din gba be Canada la.
Prof. Amin daa lahi kpuɣi napɔŋ labina Ghana n-ti kpa ka lɛbi zuɣulana zaŋ ti University for Development Studies (UDS) baŋsim yaɣ' shɛli din yuli booni Faculty of Agribusiness and Communication Sciences ka be Nyankpala yiŋ la, yuuni 2012 ti kpa 2018 yuuni ka o daa tum nimaani.[2][3] Din nyaanga, ka o daa lahi tirisi tooni ti lɛbi zuɣulan (principal) zaŋ ti University for Development Studies (UDS) karimzɔŋ yaɣ' shɛli (campus) din be Wa la, Silimiin' gɔli September 2018 yuuni ti kpa Silimiin' gɔli September yuuni 2019.
O daa gbubila lala ŋɔ ka bɛ ti piigi o GBC zuɣulana Silimiin' gɔli October yuuni 2019. Prof. Amin Alhassan n-na nyɛ lala tumaduu ŋɔ zuɣulana.[1][4]
Prof. nyɛla ŋun niŋ vihigu ka sabi kundunim pam.[5] Ŋa shɛli n-nyɛ "Cultural and Moral Implications of Soli and it's effects on Journalism in Northern Ghana".[6]
Maŋmaŋ biɛhigu
[mali niŋ | mali mi di yibu sheena n-niŋ]Amin Alhassan nyɛla Musulimi ŋun mali wuntia (imaani) pam.[4]
Kundivihira
[mali niŋ | mali mi di yibu sheena n-niŋ]- ↑ 1.0 1.1 1.2 GBC welcomes new Director General Professor Amin Alhassan (English). GBCghana Online. Retrieved October 1, 2019.
- ↑ 2.0 2.1 2.2 2.3 2.4 NMC appoints new heads for GBC and New Times Corporation (English). Graphic Online. Retrieved Aug - 01 - 2019.
- ↑ 3.0 3.1 Amin Alhassan (English). spearsmedia.com.
- ↑ 4.0 4.1 4.2 4.3 4.4 Episode 23 of My Northern Achiever on Sagani TV (Prof Amin) (17 August 2019).My Northern Achiever on Sagani TV Episode 23 https://www.youtube.com/watch?v=e_q_q7Wbzs8 Retrieved on 12/10/2020.
- ↑ Amin Alhassan. Research Gate.[permanent dead link]
- ↑ Amin Alhassan (English). ACADEMIA.