Rws Kyiv
Gwladwriaeth ganoloesol gynnar yn nwyrain Ewrop oedd Rws Kiefaidd. Ymffurfiodd y wladwriaeth tua diwedd y nawfed ganrif, gan barháu tan iddi gael ei chwalu gan oresgyniadau'r Mongoliaid-Tatariaid yn ail chwarter y drydedd ganrif ar ddeg. Dinas Kiev oedd canol y wladwriaeth. Gwelodd cyfnod Rws Kiefaidd cyflwyniad Cristnogaeth i'r ardal gan Vladimir I yn 988.
Mae enw Rws yn tarddu o enw'r llwyth Llychlynnaidd a ddaeth i arglwyddiaethu ar y tiroedd Slafaidd dwyreiniol yn ail hanner y nawfed ganrif.
Mae hanesynion yn tueddu heddiw i gyfeirio at Rws yn hytrach na Rwsia yn y cyfnod cynnar er mwyn pwysleisio bod y wladwriaeth ganoloesol gynnar yn rhagflaenu tair cenedl fodern, Rwsia, Wcráin a Belarws, yn hytrach na Rwsia yn unig, ac hefyd am fod craidd y wladwriaeth wedi'i leoli mewn ardaloedd sydd heddiw yn rhan o Wcráin.
