Hostilian

Gaius Valens Hostilianus Messius Quintus (bu farw 251), mwy adnabyddus fel Hostilian, oedd ymerawdwr Rhufain am gyfnod byr yn 251. Ni wyddir dyddiad ei eni, ond credir ei fod ar ôl 230.

Hostilian
Ganwyd	c. 230  Sremska Mitrovica
Bu farw	Tachwedd 251  Rhufain
Dinasyddiaeth	Rhufain hynafol
Galwedigaeth	llywodraethwr
Swydd	ymerawdwr Rhufain
Tad	Decius
Mam	Herennia Etruscilla

Roedd Hostilian yn fab ieuengaf i'r ymerawdwr Decius a'i wraig Herennia Etruscilla. Pan ddaeth ei dad yn ymerawdwr, cyhoeddwyd Hostilian yn dywysog ymerodrol, ond roedd yng nghysgod ei frawd hŷn, Herennius Etruscus, a enwyd yn gyd-ymerawdwr gan ei dad.

Pan aeth ei dad a'i frawd i ymladd yn erbyn y Gothiaid ar ffin Afon Donaw, arhosodd Hostilian yn Rhufain. Lladdwyd Decius a Herennius ym mrwydr Abrittus]. Derbyniodd y Senedd Hostilian fel ymerawdwr yn eu lle, ond chyhoeddodd llengoedd Afon Donaw Trebonianus Gallus yn ymerawdwr. Daethpwyd i gyfaddawd trwy i Gallus fabwysiadu Hostilian fel mab. Yr un flwyddyn daeth y pla du i Rufain, a bu farw Hostian o'r pla. Ef oedd yr ymerawdwr cyntaf mewn 40 mlynedd i farw o achos naturiol yn hytrach na chael ei ladd. Gadawodd ei farwolaeth Trebonianus Gallus yn ymerawdwr ar ei ben ei hun.

Rhagflaenydd: Decius

Ymerawdwr Rhufain 251

Olynydd: Trebonianus Gallus