Gwyach gorniog
rhywogaeth o adar
Gwyach gorniog | |
---|---|
![]() | |
Dosbarthiad gwyddonol | |
Teyrnas: | Animalia |
Ffylwm: | Chordata |
Dosbarth: | |
Urdd: | Podicipediformes |
Teulu: | Podicipedidae |
Genws: | Podiceps |
Rhywogaeth: | P. auritus |
Enw deuenwol | |
Podiceps auritus (Linnaeus, 1758) |
![](http://upload.wikimedia.org/wikipedia/commons/thumb/5/53/Podiceps_auritus_MHNT.ZOO.2010.11.39.7.jpg/220px-Podiceps_auritus_MHNT.ZOO.2010.11.39.7.jpg)
Mae'r Wyach gorniog, Podiceps auritus, yn aelod o deulu'r Podicipedidae, y gwyachod.
Mae tipyn yn llai na'r Wyach fawr gopog, tua 31–38 cm (12–15 modfedd) o hyd, a 46–55 cm ar draws yr adenydd. Yn yr haf, mae'n aderyn hawdd ei adnabod, gyda phen du a gwddf coch. Daw'r enw o'r cudynnau o blu hir ar y pen, sy'n edrych fel cyrn. Yn y gaeaf, collir y rhain, ac mae'r aderyn yn ddu a gwyn.
Mae'n nythu ar lynnoedd dŵr croyw ar draws Ewrob ac Asia, a hefyd rhannau o'r Unol Daleithiau a Canada. Fel rheol, mae'n symud ymhellach i'r de yn y gaeaf. Pysgod yw ei bwyd arferol.
Nid yw'r Wyach gorniog yn nythu yng Nghymru fel rheol, ond ceir niferoedd bychain o gwmpas yr arfordir yn ystod y gaeaf, er enghraifft o gwmpas Traeth Lafan.