Maghju

Maghju hè u quintu mese di l'annata è di u calendariu gregurianu.

Maghju, da L'ore ricchissime di u duca di Berry

Maghju
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

Citazione

Pruverbi

U mese di maghju hè mintuvatu in uni pochi di pruverbii è spressione corse. Per esempiu:

• Par maghju o par maghjonu, ùn ti caccià u to pilonu.
• Serate di ghjennaghju è ghjurnate di maghju.
• U piu beddu ceppu, teni lu à maghju.
• Maghju urtulanu assai paglia è pocu granu.
• Matinati di maghju è sirintini di ghjinnaghju.
• Per ogni runzinu vène u so Maghju.
• U fasgiulaghju, fà lu di Maghju.
• L’acqua di ghjinnaghju alloca u vinu à maghju.
• Aprile è maghju lumagaghju.
• Veni d'aprili è ti farò murire, veni di maghju è ti cuntintaraghju.

Sprissione

Hè ancu citatu in a sprissione:

• longu quant'è maghju.

Paghjelle

Maghju hè mintuvatu dinù in a paghjella:

U primu fiore di maghju

Hè quellu di la viola

Ma lu più chì mi dispiace

Hè d'avè l'à coglie sola

Chì le pene di l'amore

Ùn le sà chè chì le prova.

Referenze

• Arnestu Papi, Manghjà è bia
• Saravelli-Retali, 1976, A vita in Corsica cù i pruverbii è i detti - La vie en Corse à travers proverbes et dictons, Nice: Don Bosco
• Stefanelli, Marcedda, Tempu è staghjoni, U Taravu 176, ghjinnaghju 2009
• paghjella.com Inventariu di e paghjelle

I mesi di l'annu

Ghjennaghju - Ferraghju - Marzu - Aprile - Maghju - Ghjugnu - Lugliu - Aostu - Settembre - Uttobre - Nuvembre - Dicembre