Ghjuvanni Nicoli

Ghjuvanni Nicoli hè natu in San Gavinu di Carbini in 1899 è mortu in Bastia in 1943.

Biugrafia

Dopu studii à a scola nurmale d'Aiacciu è una mubilisazione corta in 1917-1918, Ghjuvanni Nicoli diventa prufissore in Corsica prima d'esse mandatu à u Mali in 1925. Pigliatu da u so mistiere, riccu d'idee respublicane è laiche, innamuratu di a tarra africana, quellu direttore di scola à da, vìa vìa di i sò cunttati cù a sucietà nera, s'interugà nant'à culunisazione. Nò pà criticà u principiu, hè sicuru chi a respublica hà u duvere di civilizà. Ordunque, dipoi 1933, prupone invanu à a sò ierarchìa un prughjetu di riforma puntendu essenzialmente à integrà e nutizie suciò-etnològicu di e sfarente sterpe di l'Africa occidentale francese, è piglia puttualmente a difesa di gruppi di nativi vìttime di u sistema culuniale. In 1935, volta in Corsica. L'annu dopu, s'affica à a SFIO. Scrive drentu parechji ghjurnali insulari parlendu di i sfarenti prublemi culturali cummu l'insegnamentu di u u corsu è di a storia insulare à a scola. In 1938, U respublicanu di manca palisa e smorfie irredentiste di u guvernu fascistu. Mubilisatu in 1939, resu à a vita civile in 1940. Oppostu a u guvernu di Vichy dicendu ch'ellu era autoritariu è contrarepublicanu. Ghjuvanni Nicoli s'affica a u Fronte Naziunale à a fine di l'annu 1942. A direzione cumunista trova in ellu un quadru cù idee revoluzionarie chi, dopu ch'ellu s'hè afficatu partitu cumunistu clandestinu, ottene durante 1943 a respunsabilità dipartimentale di l'armamentu di u F.N preparendu una lotta armata. U 27 Ghjungnu 1943, hè arestatu pà l'OVRA in Aiacciu. Hè ghjudicatu è cundannatu à morte. Hè esecutatu in Bastia u 30 d'Aostu 1943.

Trè ghjorni dopu l'insurrezzione libaratrice hè promulgata.