José Rizal
Si José Protasio Rizal (Nacimiento: 19 de Junio, 1861 na Calamba, Laguna Muerte: 30 de Diciembre, 1896) es el heroe nacional de las Filipinas. Es un doctor de medicina y de ojos tambien, si Rizal ya estudia medicina na Madrid, Paris y despues, na Berlin. Si Rizal na su tiempo, ta puede conversa 24 clase de maga lenguaje. Na España, si Rizal ya estudia na Universidad Central de Madrid donde ya obtene ele su Licencia na Medicina. Ya continua ele su educacion na Universidad de Paris y Universidad de Heidelberg donde ya obtene le su segundo titulo na Medicina.
![](http://upload.wikimedia.org/wikipedia/commons/thumb/c/c9/Jose_Rizal_full.jpg/220px-Jose_Rizal_full.jpg)
Na Madrid, ele ya queda un miembro activo del La Solidaridad, un grupo de maga Filipino intelectual activo na promocion del soceidad Filipino alla na España y el promocion del maga proposicion de Filipino.
Su maga novela considerando importante na progreso del identidad Filipino y nationalismo. Si Rizal famoso con su novela, es el "Noli Me Tangere", un satiro contra con el gobierno colonial de España. Como activo na campaña de reforma, si Rizal ya sale mal acusado na caso de sedicion. El gobierno Español ya castiga con Rizal na manera de muerte en 31 de Diciembre, año 1898.