mirout

Brezhoneg

Etimologiezh

Eus mir hag -out.

Verb

mirout /ˈmiːrut/ verb kreñv eeun (anv-gwan-verb : miret) (displegadur)

1. Chom hep teurel pe hep dilezel un dra bennak, delc'her anezhañ.
   • [...] goude beza grêd sin ar Groaz gand an dour binniged mired er podig, er pinsinig, staged ouz ar gwele-kloz pe ouz ar voger tost d'ar gwele. — (Tad Medar, An Tri Aotrou, 1981, p. 57.)
   • « Va zad a vefe laouen-bras ouz ho mirout en e gompagnunezh. » — (Jakez Konan, Ur marc’hadour a Vontroulez, Al Liamm, 1981, p. 96.)
2. mirout ar saout (ral) : diwall ar saout
   • — « Mirout ar saout amañ a zo diaesoc'h evit na gav deoc'h, [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 143.)
3. chom hep ober un dra bennak.
   • Deomp da ganañ un abadenn pa n'omp ket evit miret . Pemp warn-ugent, Frañsoù Menez ha Loeiz Roparz.
   • ...evit mirout bezañ klevet gant ar re all. — (Brogarour, Onenn, Gwengamp, 1936, p. 54.)
4. Herzel.
   • — Bez' ez pezo anezan, ne virin ket. — (G. MILIN, Gwechall-goz e oa..., Kemper, 1924, p. 56.)
5. mirout ouzh unan bennak da ober un dra bennak, pe mirout ouzh un dra bennak da ober un dra bennak : ober e doare ma ne vefe ket graet an dra-se gant den pe tra.
   • Ur mouchouer brodet liv roz hag he deus taolet war he divskoaz evit bleniañ hag en aviz mirout outañ da vezañ louzet. — (Brogarour, Onenn, Gwengamp, 1936, p. 52.)
   • An tieg kozh a lavaras ne virje ket ouzh e verc'h da zimeziñ gant an hini a garje. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 12.)

Troioù-lavar

• da virout
• mirout ouzh unan bennak a ober un dra bennak
• mirout ouzh un dra bennak
• mirout ouzh un dra bennak da ober un dra bennak

Troidigezhioù

Delc'her

• galleg : garder ^(fr) , conserver ^(fr)

Chom hep

• galleg : ne pas ^(fr)

Mirout ouzh ... da ...

• galleg : empêcher ^(fr)