Troad araogennek
Er yezhoniezh e vez implijet an termen troad araogennek (saoz.: prepositional case) evit komz eus un droad implijet da verkañ un anv-kadarn da heul n'eus forzh peseurt araogenn.
Implijet e vez an droad-mañ gant ar yezhoù slavek, en o zouez ar ruseg hag ar poloneg, hag ivez gant meur a yezh slavek all, daoust ha ma c'hell bezañ anvet en un doare disheñvel, da skouer e slovakeg (anvet ''lokál evit lakaat an diforc'h etrezi hag an droad lokativel, lokatív), da skouer:
- E ruseg:
- в школе ("er skol")
- в доме ("er gêr")
- на столе ("war an daol")
- о студенте ("diwar-benn ar studier")
E gwirionez eo kalz tostoc'h d'an droad araogennek an droad anvet dativel e yezhadurioù gouezeleg Skos evit d'an droad dativel rik, da skouer:
- e gouezeleg Skos:
- taigh ("ti") -> do thaigh ("d'un ti")
Un doare droad araogennek eo an droad graet anezhi "troad oblikel kentañ" e pachtoueg, implijet gant araogennoù resis:
- liwe -> lewano ("bleiz")
- ghwa -> ghwagano ("buoc'h")
Mammennoù:
[kemmañ | kemmañ ar vammenn]- Dessart, Laurent (1994) Parlons pachto, Pariz: L'Harmattan