vil

Brezhoneg

Etimologiezh

Eus an anv-gwan gallek vil.

Anv-gwan

Derez	Furm
Derez-plaen	vil
Derez-uheloc'h	viloc'h
Derez-uhelañ	vilañ
Derez-estlammiñ	vilat

vil /ˈviːl/

1. Ha n'eo ket brav, a zo displijus pe euzhus da welet:
   • Sell aze, 'vat, eur fas vil hag a zo bet brao dezi e-pad he buhez ! — (Jules Gros, Le trésor du breton parlé Première Partie, 1966, p. 90.)
2. Ha n'eo ket brav, dre ma'z eo drouk pe treitour: ober un dra vil, un taol vil
   • Un taol vil, Soniou Breiz Izel, 2/122
3. un den vil : un den fall
   • Ne glevez ket an deodegez vil-se ? — (Jules Gros, Le trésor du breton parlé Troisième Partie, 1974, p. 212.)

   Hag ar pennoù vil-se a veze bep Sul oc'h arabadiñ ac'hanon, — (Jules Gros, Le trésor du breton parlé Deuxième Partie, 1970, p. 23.)

   • Koz kanaillez vil ! — (Jules Gros, Le trésor du breton parlé Deuxième Partie, 1970, p. 278.)
4. ul loen vil : un den fall
   • Sell-hi, ar vleizez vil ! — (Jules Gros, Le trésor du breton parlé Troisième Partie, 1974, p. 288.)

Deveradoù

• vilaat
• vilbezh
• vilded
• vilder
• vilgen
• viloni

Troioù-lavar

• ober vil
• vil evel ar pec'hed

Troidigezhioù

• alamaneg : hässlich ^(de)
• galleg : laid ^(fr)
• saozneg : ugly ^(en)
• spagnoleg : feo ^(es)

Adverb

vil /ˈviːl/

1. kaozeal vil ouzh ub
   • Hag en devoa kaozeet vil ouzh an aotrou skolaer. — (Jules Gros, Le trésor du breton parlé Deuxième Partie, 1970, p. 557.)

Galleg

Eus an anv-gwan latin vilis « marc'hadmat», « nebeud a dalvoudegezh ennañ ».

Anv-gwan

vil

1. vil, divalav
2. didalvoud
3. dister
   • à vil prix : marc'hadmat-lous