Ploue

Ploue zo ur gumun e Breizh, e Bro-Wened e departamant ar Mor-Bihan. Penn kanton e oa betek 2015.

Ploue
An ti-kêr.
Anv gallek (ofisiel)	Plouay
Bro istorel	Bro-Wened
Melestradurezh
Departamant	Mor-Bihan
Arondisamant	an Oriant
Kanton	Ploue (betek 2015) Gwidel (abaoe 2015)
Kod kumun	56166
Kod post	56240
Maer Amzer gefridi	Gwenn Le Nay 2020-2026
Etrekumuniezh	An Oriant tolpad-kêrioù
Bro velestradurel	Bro an Oriant
Lec'hienn Web	(fr)www.plouay.fr
Poblañsouriezh
Poblañs	5 789 ann. (2020)
Stankter	86 ann./km²
Douaroniezh
Daveennoù lec'hiañ	47° 54′ 56″ Norzh 3° 20′ 02″ Kornôg
Uhelderioù	kreiz-kêr : 83 m bihanañ 13 m — brasañ 164 m
Gorread	67,33 km²
Ploue

Douaroniezh

• 
  Ar Skorf e pont Kerlo e Ploue.

• War lez ar Skorf emañ Ploue.

Gerdarzh

• Diwar plou- » ha Doe, manac'h brezhon.

Ardamezioù

En geotet e gember en aour, e gab en erminig karget gant ur c'houdreustell gommek en glazur. Diviz-kêr : 26 a viz C'hwevrer 1981

Istor

Dispac'h Gall

• Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe lakaet da bennlec'h kanton Ploue gant peder c'humun: Kalann, Lanvodan, Ploue ha Zinzag-Lokrist; e Bann Henbont e oa; miret ha brasaet e voe kanton Ploue e 1801 gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Ploue en Arondisamant an Oriant bet krouet e 1800.

XX^vet kantved

Brezel-bed kentañ

• Mervel a reas 224 gwaz eus ar gumun abalamour d'ar brezel, da lâret eo 4,55 % eus he foblañs e 1911.

Maroko

• Lazhet e voe ur soudard eus ar gumun en El Herri d'an 13 a viz Du 1914.

Eil brezel-bed

• 1944:
  • d'ar 1añ a viz Even e kouezhas ur c'harr-nij (Spitfire LFIX marilhet MK798 ha kodet JX-R) eus Royal Air Force (aerlu ar Rouantelezh-Unanet) e Ploue; e nijour a voe gloazet ha tapet gant an Alamaned; mervel a reas en ospital e Roazhon;
  • d'ar 4 a viz Gouere e voe tapet 165 000 lur en ti-post gant tud eus ar Rezistañs, ha d'an 3 a viz Eost e voe roet 20 000 Lur d'an FFI.

• 
  Daou soudard alaman bet serret da Lu ar Stadoù-Unanet e miz Eost 1944 e Ploue
• 
  Anv R. Hello, unan eus tud Ploue bet fuzuilhet, ouzh monumant Porzh-Loeiz

• 1945: d'an 23 a viz Mae e voe kavet korfoù marv pevar den eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman.
• Mervel a reas 35 den ag ar gumun abalamour d'ar brezel.

Brezelioù didrevadennañ

Brezel Indez-Sina

• Mervel a reas nav milour eus ar gumun.

Brezel Aljeria

• Mervel a reas nav milour eus ar gumun.

Brezhoneg

Ya d'ar brezhoneg

• D’an 10 a viz C’hwevrer 2006 e oa bet votet ar garta Ya d'ar brezhoneg gant kuzul-kêr ar gumun.
• D'an 22 a viz Mezheven 2006 e oa bet roet d'ar gumun al label Ya d'ar brezhoneg live 1.

Deskadurezh

• Klasoù divyezhek publik a zo eno abaoe 1994.
• E distro-skol 2023 e oa 106 skoliad enskrivet er c'hlasoù divyezhek (17 % eus skolidi ar gumun evit a sell ouzh ar c'hentañ derez)

Monumantoù ha traoù heverk

• 
• 

• Chapel Intron-Varia ar Bleuñv.

• 
  An iliz katolik.

• Iliz katolik Sant Owen.

• 
  Ar monumant.

• Monumant ar re varv e-tal an iliz katolik, luc’hskeudenn ha kartenn-bost .
• Plakennoù ar re varv (1914-1918) en iliz katolik, luc’hskeudenn.
• Monumant ar Rezistanted, luc’hskeudenn.

Emdroadur ar boblañs abaoe 1962

Niver a annezidi

Tud

Tud ganet eno

• 1954 : Alan Botrel, skrivagner brezhonek.

Tud marvet eno

• 2015 : Herri ar Borgn, skrivagner brezhonek.

Tud hag o deus bevet eno

• Stefan ar Strad, skrivagner brezhonek, a zo bet person e Ploue.

Sport

• Marc'hhouarnerezh e Ploue

Tro Bro-C'hall war varc'h-houarn

• 15 a viz Gouere 1998 : loc'hañ a ra 4^e tennad-hent Tro Bro-C'hall eus Ploue war-du Cholet (Maine-et-Loire).
• 14 a viz Gouere 2002 : 8vet tennad-hent Tro Bro-C'hall etre Saint-Martin-de-Landelles (Manche) ha Ploue; trec'h eo Karsten Kroon (Izelvroioù).

Gevelliñ

• Bro-Saoz : Pershore (Worcestershire), 1996
•  Alamagn : Küps (Bavaria), 1998

Liammoù diavaez

• (br) Ploue war lec'hienn Geobreizh