Lanneur

Lanneur (distaget [lãˈnøːr]) a zo ur gumun eus Breizh e Bro-Dreger. Penn kanton e oa betek 2015.

Lanneur

An ti-kêr.

Anv gallek (ofisiel)

Lanmeur

Bro istorel

Treger

Melestradurezh

Lanneur (betek 2015)
Plouigno (abaoe 2015)

Kod kumun

29113

Kod post

29620

Maer
Amzer gefridi

Anne-Catherine Lucas
2020-2026

Poblañsouriezh

2 369 ann. (2020)^[1]

Stankter

89 ann./km²

Douaroniezh

Daveennoù
lec'hiañ

48° 38′ 53″ Norzh
3° 42′ 51″ Kornôg / 48.648056, -3.714167

Uhelderioù

kreiz-kêr : 74 m
bihanañ 20 m — brasañ 128 m

Gorread

26,47 km²

Lanneur

Douaroniezh

Ar stêr Dourdu a dreuz Lanneur.
Kumunioù amezek : Sant-Yann-ar-Biz, Gwimaeg, Lokireg, Plegad-Gwerann, Plouigno, Garlann.

Anv

Stummoù skrivet

Bernard Tanguy (1990): Lanmur, 1163; ecclesia S. Marie de Lanmeur, 1188; Lanmur Meler, 1235; Lanmeur, c. 1330; Lanmur Melar, 1405.
Erwan Vallerie (1995) ː Lanmurmeler, 931; Lanmur, 1163; Lanmeur, 1235; Lanmour, XIV-; Lamuer, Lameur, Lamur, Lanmuer, Lanmeur alias Lanveur, 1330; Lanmour, 1351; Lanmur Melar, 1405; Lanmur, 1491; Lanmeur, 1516, 1565; Land-Meur, 1636; Lemmur, 1654; Landemur, 1709

Gerdarzh

manac'hti + meur (+ anv sant Melar)

Ardamezioù

En argant e dreustell en gul, heuliet gant teir brizhenn erminig en sabel, 2, 1.^[2]

Brezhoneg

Klasoù divyezhek a zo eno abaoe 2004.
E distro-skol 2023 e oa 77 skoliad enskrivet er c'hlasoù divyezhek (30,9 % eus skolidi ar gumun evit a sell ouzh ar c'hentañ derez)^[3]

Istor

Kent 1790

Lanneur e oa ul lodenn bet distaget diouzh Ploumaec, hiziv Gwimaeg, ha diouzh eskopti Dol.

Dispac'h Gall

Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant Trogoff, person, ha Boustouler, kure^[4].

XX^vet kantved

Brezel-bed kentañ

Mervel a reas 132 waz eus ar gumun abalamour d'ar brezel, eleze 3,66% ag ar boblañs hervez an niveradeg bet graet e 1911^[5].

Eil brezel-bed

Mervel a reas 25 den ag ar gumun abalamour d'ar brezel^[6].
D'ar 7 a viz Gouere 1944 e kouezhas un nijerez Typhoon IB marilhet MN865 ha kodet HE-? eus ar 263rd Squadron eus ar Royal Air Force; ne voe ket kavet korf he levier^[7].