Аляксандр Рыгоравіч Ціхановіч

Аляксандр Рыгоравіч Ціхановіч
Асноўная інфармацыя
Дата нараджэння	13 ліпеня 1952(1952-07-13)
Месца нараджэння	Мінск, БССР, СССР
Дата смерці	28 студзеня 2017(64 гады)
Месца смерці	Мінск, Беларусь
Месца пахавання	Усходнія могілкі
Краіна	СССР  Беларусь
Альма-матар	Беларуская дзяржаўная акадэмія музыкі МінСВУ Маладзечанскі дзяржаўны музычны каледж імя М. К. Агінскага
Месца працы	Беларуская дзяржаўная філармонія
Музычная дзейнасць
Прафесіі	спявак
Інструменты	бас-гітара і вакал
Узнагароды
Медыяфайлы на Вікісховішчы
Цытаты ў Вікіцытатніку

Аляксандр Рыгоравіч Ціхановіч (13 ліпеня 1952, Мінск — 28 студзеня 2017, Мінск) — беларускі эстрадны спявак. Заслужаны артыст Беларусі (1991), Народны артыст Беларусі (2006).

Біяграфія

Нарадзіўся 13 ліпеня 1952 года ў Мінску. Падчас вучобы ў Сувораўскім ваенным вучылішчы іграў на трубе ў ваенным духавым аркестры. У гэтыя ж гады ўваходзіў у склад маладзёжнага гурта «Факіры», які выконваў папулярныя эстрадныя кампазіцыі.

Скончыў Маладзечанскае музычнае вучылішча, у 1982 годзе Беларускую кансерваторыю. З 1971 года ў Беларускай філармоніі, саліст ВІА «Верасы». З 1987 года саліст-вакаліст Дзяржаўнага аркестра сімфанічнай і эстраднай музыкі Беларусі. З 1988 года — стваральнік і кіраўнік (з жонкай Ядвігай Паплаўскай) першага ў Беларусі Тэатра песні і студыі пры ім (у 2003 годзе пераўтвораны ў прадзюсерскі цэнтр «Прафіартвідыён»). Адначасова з 2001 года — музычны кіраўнік беларускага канала «Сталічнае тэлебачанне». Выступаў з Паплаўскай у складзе эстрадна-вакальнага дуэта. Аўтар папулярных эстрадных песень.

Указам Прэзідэнта Рэспублікі Беларусь ад 30 сакавіка 2006 года № 185 за значны асабісты ўклад у развіццё нацыянальнай культуры, захаванне і прапаганду лепшых музычных традыцый Аляксандру Ціхановічу і яго жонцы Ядвізе Паплаўскай прысвоены званні «Народны артыст Беларусі».

Памёр 28 студзеня 2017 года пасля шэрагу цяжкіх хвароб.

Літаратура

• Беларуская энцыклапедыя: У 18 т. Т.17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — 512 с.: іл.

Спасылкі

• На Вікісховішчы ёсць медыяфайлы па тэме Аляксандр Рыгоравіч Ціхановіч