Амерыканскае фізічнае таварыства

Амерыканскае фізічнае таварыства
Краіна	ЗША
Адміністрацыйны цэнтр	Каледж-Парк (Мэрыленд)
Тып арганізацыі	scientific society[d], выдавецтва, выдавец свабоднага доступу[d] і навуковае таварыства[d]
Заснаванне
Дата заснавання	20 мая 1899
Галіна	вышэйшая адукацыя
Член у	ORCID[d] Open Access Scholarly Publishers Association[d] Committee on Publication Ethics[d] American Institute of Physics[d] Society Publishers' Coalition[d] Association of Learned and Professional Society Publishers[d] CHORUS[d] International Association of Scientific, Technical, and Medical Publishers[d]
aps.org (англ.)

Амерыканскае фізічнае таварыства (англ.: The American Physical Society) — другая ў свеце па колькасці арганізацыя (пасля Нямецкага фізічнага таварыства), якая аб’ядноўвае фізікаў. Была заснавана ў 1899 годзе. Публікуе больш за дзясятак навуковых часопісаў, уключаючы адзін з самых прэстыжных часопісаў па фізіцы Physical Review Letters, а таксама серыю часопісаў Physical Review. Пад эгідай таварыства штогод праводзіцца больш за дваццаць навуковых сустрэч і мерапрыемстваў. У склад Амерыканскага фізічнага таварыства ўваходзіць больш за 47000 членаў.

Гісторыя

20 мая 1899 года 36 фізікаў Калумбійскага ўніверсітэта заснавалі Амерыканскае фізічнае таварыства (APS), мэтай якога яны абвясцілі «развіццё і распаўсюджванне фізічных ведаў». Спачатку практычна адзіная актыўнасць таварыства складалася ў арганізацыі навуковых сустрэч. У 1913 годзе таварыства пачало выпускаць уласны фізічны часопіс Physical Review, створаны ў 1893 годзе ў Карнельскім універсітэце. З тых часоў выданне часопісаў з’яўляецца другім асноўным напрамкам дзейнасці тварыства. У 1929 годзе пачынаецца выданне часопіса Reviews of Modern Physics, а ў 1958 годзе — Physical Review Letters. З часам у сувязі з ростам папулярнасці і павелічэннем колькасці артыкулаў, што накіроўваюцца ў часопіс, Physical Review быў падзелены на 5 частак (названых літарамі лацінскага алфавіту ад A да E), кожная з якіх прысвечана сваёй больш вузкай тэматыцы. C 2008 года таварвства выпускае бясплатны электронны часопіс Physics, у якім экспертамі коратка апісваюцца найбольш значныя працы, нядаўна апублікаваныя ў іншых часопісах таварыства.

У апошні час дзейнасць таварыства стала яшчэ шырэй. У сувязі з павелічэннем федэральнага фінансавання пасля Другой сусветнай вайны і ў шасцідзясятыя, Амерыканскае фізічнае таварыства стала адной з самых актыўных навуковых арганізацый у свеце, якая ажыццяўляе вялікую колькасць адукацыйных, даследчых і навукова-папулярных праграм.

Амерыканскае фізічнае таварыства мае ў сваім складзе 14 падраздзяленняў і 9 тэматычных груп, якія пакрываюць ўсе галіны фізікі.