Міхаіл Фёдаравіч Макарачкін

Міхаіл Фёдаравіч Макарачкін
Міхаіл Фёдаравіч Макарачкін
Дата нараджэння	17 лістапада 1891
Месца нараджэння	Глубкі[d], Навасільскі павет[d], Тульская губерня, Расійская імперыя;
Дата смерці	5 жніўня 1963 (71 год)
Месца смерці	Мінск, БССР, СССР;
Месца пахавання	Усходнія могілкі;
Грамадзянства	Расійская імперыя; СССР;
Род дзейнасці	навуковец
Навуковая ступень	доктар тэхнічных навук
Навуковае званне	прафесар;
Альма-матар	Маскоўскі інстытут інжынераў транспарту[d] (1926);
Узнагароды

Міхаіл Фёдаравіч Мака́рачкін^[1] (руск.: Михаил Фёдорович Макарочкин; 17 лістапада 1891 — 5 жніўня 1963) — вучоны ў галіне грунтазнаўства і фундаментабудаўніцтва, доктар тэхнічных навук (1945), прафесар (1945), член-карэспандэнт Акадэміі будаўніцтва і архітэктуры СССР (1957), Акадэміі навук БССР^[2].

Біяграфія

Нарадзіўся ў сяле Глубкі Навасільскага павета Тульскай губерні (зараз у Навасільскім раёне Арлоўскай вобласці Расіі). У 1908—1912 гадах працаваў настаўнікам^[2]. У 1915 годзе скончыў Тульскі настаўніцкі інстытут. У 1915—1917 гадах у Рускай імператарскай арміі, у 1920—1921 гадах — у Чырвонай Арміі^[2]. Да 1922 года выкладаў матэматыку. У 1926 годзе скончыў Маскоўскі інстытут інжынераў шляхоў зносін. У 1926—1930 годзе займаў пасады ў сістэме Народнага камісарыята шляхоў зносін і адначасова ў 1927—1929 гадах вучыўся у вячэрнім Універсітэце марксізма-ленінізма. З 1930 года М. Ф. Макарачкін у Маскоўскім інстытуце інжынераў шляхоў зносін, дзе займаў пасады ад асістэнта да прафесара і адначасова ў 1936—1937 гадах намесніка дэкана, у 1937—1947 гадах — дэкана факультэта. У 1947—1950 гадах адбываў пакаранне ў выпраўленча-працоўным лагеры (быў рэабілітаваны ў 1955 годзе)^[2]. У 1951—1953 гадах — выкладчык матэматыкі ў 11-й сярэдняй школы ў Магілёве^[2].

З ліпеня 1953 года М. Ф. Макарачкін у Беларускім політэхнічным інстытуце на пасадзе прафесара, з верасня 1953 года — загадчыка кафедры асноў і фундаментаў^[2].

Памёр 5 жніўня 1963 года. Пахаваны на Усходніх (Маскоўскіх) могілках у Мінску.

Навуковая дзейнасць

Аўтар навуковых прац па грунтазнаўству, праектаванню і будаўніцтву фундаментаў з выкарыстаннем мясцовых матэрыялаў. Займаўся экспертызай будаўнічых аб’ектаў на тэрыторыі БССР.

Сярод апублікаванага:

Макарочкин М. Ф., Соболевский Ю. А. Фундаменты под машины. — Минск: Госиздат БССР, Ред. науч.-техн. лит., 1958. — 114 с.: черт.
Состав и строительные свойства лессовидных грунтов БССР / М. Ф. Макарочкин, В. Н. Шарай, Н. И. Ловыгин. — Минск: Госиздат БССР. Ред. науч.-техн. лит., 1959. — 124 с.: ил., карт.
Макарочкин М. Ф., Морозова Л. К. Учебное пособие к лабораторным работам по механике грунтов: Для студентов заоч. обучения по специальностям «Пром. и гражданское строительство» и «Гидротехн. строительство» / М-во высш., сред., спец. и проф. образования Белорус. ССР. Белорус. политехн. ин-т им. И. В. Сталина. — Мн.: Б. и., 1961. — 58 с., 4 л. граф.: черт.

Узнагароды

Медаль «За доблесную працу ў Вялікай Айчыннай вайне 1941—1945 гг.»
Медаль «За абарону Масквы»
Медаль «За працоўную адзнаку»
Знак «Ганароваму чыгуначніку»
Знак «Ударніку сталінскага прызыву»
Знак «Выдатны будаўнік»
Урадавая падзяка за ўдзел у будаўніцтве метро.

Зноскі

↑ БелЭн 1999.
↑ ^а ^б ^в ^г ^д ^е Макарочкин Михаил Фёдорович // НП «Товарищество сибирских геотехников» Архівавана 11 жніўня 2020. (руск.)

Літаратура

Леановіч І. І. Макарачкін Міхаіл Фёдаравіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 529. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

Макарочкин Михаил Фёдорович // НП «Товарищество сибирских геотехников» Архівавана 11 жніўня 2020. (руск.)
Макарачкін Міхаіл Фёдаравіч на сайце анлайн-энцыклапедыі «Беларусь у асобах і падзеях»

[FOOTNOTEБелЭн1999-1] БелЭн 1999.

[Т-2] а ^б ^в ^г ^д ^е Макарочкин Михаил Фёдорович // НП «Товарищество сибирских геотехников» Архівавана 11 жніўня 2020. (руск.)

[1]

[2]