ФК Гарадзея

Гарадзея
Гарадзея
Поўная назва	УФКіС «Футбольны клуб „Гарадзея“»
Мянушкі	цукровыя
Заснаваны	2002
Горад	Гарадзея, Беларусь
Стадыён	«Гарадзея»; Умяшчальнасць: 1000
Дырэктар	Аляксандр Марчанка
Галоўны трэнер	Алег Радушка
Чэмпіянат	Вышэйшая ліга
2020	13 месца
Сайт	Афіцыйны сайт
Асноўная; форма	Гасцявая; форма

Дагледжаная версія гэтай старонкі, зацверджаная 18 студзеня 2021, была заснавана на гэтай версіі.

«Гарадзея» — беларускі футбольны клуб з гарадскога пасёлка Гарадзея, заснаваны ў 2002 годзе. У цяперашні час выступае ў Вышэйшай лізе чэмпіянату Беларусі.

Гісторыя

Спачатку быў міні-футбольным клубам, пасля клуб перайшоў на звычайны футбол. У 2008 клуб заявіўся ў Другую лігу і праз два гады выйграў яе.

Дэбютны сезон у Першай лізе прынёс клубу трэцяе месца.

2012

У сезоне 2012 клуб вёў барацьбу за выхад у Вышэйшую лігу. Заняўшы другое месца, клуб атрымаў права на стыкавыя матчы з жодзінскім «Тарпеда-БелАЗ», якое заняла апошняе месца ў Вышэйшай лізе. У першым матчы «Гарадзея» перамагла з лікам 1:0. Але ў другім саступіла 0:4 і засталася ў першай лізе.

2013

У сезоне 2013 «Гарадзея» дзякуючы выдатнаму старту (7 перамог у першых 7 турах) упэўнена забралася на першае месца. Але потым справы пайшлі горш, каманда стала атрымоўваць нічыі і паражэнні. Пасля паражэння ў 21-м туры ад «Смалявічаў-СТІ» (0:4) «Гарадзея» саступіла першы радок «Слуцку» і ў далейшым ужо не здолела на яго вярнуцца.

У выніку клуб зноў заняў другое месца. У стыкавых матчах «Гарадзея» саступіла магілёўскаму «Дняпру» па суме дзвюх сустрэч (1:3, 0:0) і зноў згубіла магчымасць выйсці ў Вышэйшую лігу.

2014

Сезон 2014 «Гарадзея» пачала няўдала, хутка апынуўшыся ўнізе табліцы. У выніку ўжо ў маі 2014 года быў звольнены галоўны трэнер Андрэй Кіпра, на месца якога быў запрошаны Сяргей Яромка. З новым трэнерам каманда стала выступаць больш паспяхова, і першы круг «Гарадзея» скончыла на трэцім радку. У пачатку другога круга «Гарадзея» захоўвала трэцяе месца, якое давала права на стыкавыя матчы за месца ў Вышэйшай лізе. Але ў кастрычніку каманда выдала няўдалую серыю (6 матчаў без перамог), з-за якой ужо за некалькі тураў страціла ўсе шанцы на павышэнне.

2015

Пачатак сезона 2015 у «Гарадзеі» ізноў не атрымаўся і яна апынулася ў ніжняй частцы табліцы. Тым не менш, кіраўніцтва клуба пакінула Сяргея Яромку на пасадзе галоўнага трэнера. Хутка становішча стала выпраўляцца, і першы круг каманда скончыла на чацвёртым месцы. Другую палову чэмпіянату «Гарадзея» правяла яшчэ больш паспяхова, і праз некаторы час узначаліла турнірную табліцу. На фінішы «цукровыя» прапусцілі на першае месца «Іслач», але другога месца было дастаткова, каб забяспечыць месца ў Вышэйшай лізе.

У Вышэйшай лізе

У дэбютным сезоне ў Вышэйшай лізе «Гарадзея» здолела захаваць сваіх лідараў, умацаваўшы склад вопытнымі беларускімі ігракамі. Пасля няўдалага старту каманда стала набіраць ачкі, у сярэдзіне сезона 2016 знаходзілася ў верхняй палове табліцы, але няўдалы фініш адкінуў «цукровых» на дзявяты радок.

У сезоне 2017 «Гарадзея» заставалася адным з сераднякоў Вышэйшай лігі. Аднак, пасля хатняга паражэння ў першым туры ад «Шахцёра» (0:1), гарадзейскі клуб болей не саступаў на сваім полі. 2017 год «Гарадзея» таксама скончыла на 9-м месцы.

Сезон 2018 пачаўся для гарадзейцаў няўдала, каманда хутка апынулася ў канцы турнірнай табліцы. Першая перамога была атрымана толькі ў 10-м туры, калі дзякуючы голу на апошніх хвілінах «Гарадзея» сенсацыйна ўзяла верх над БАТЭ (2:1), аднак гэтая перамога засталася адзінай у першай палове чэмпіянату. У другой палове сезона «Гарадзея» стала выступаць значна лепей, шэраг перамог дазволіў камандзе пакінуць падвал табліцы і скончыць сезон трэці раз запар на дзявятым радку.

У сезоне 2019 «Гарадзея» таксама спачатку знаходзілася ўнізе табліцы, але неўзабаве вынікі наладзіліся, каманда ўпэўнена замацавалася ў сярэдзіне табліцы, пазней нават мела магчымасць змагацца за высокія месцы, аднак у выніку фінішавала сёмай.

У сезоне 2020 у «Гарадзеі» меліся фінансавыя праблемы, звязаныя з затрыманнем у межах «цукровай справы» дырэктара Гарадзейскага цукровага камбіната Міхаіла Крыштаповіча, які аказваў значную апамогу камандзе. У выніку клуб стаў рабіць большую стаўку на маладых выканаўцаў. Няглядзячы на праблемы, «Гарадзея» здолела пазбегнуць вылету, стаўшы трынаццатай.

У студені 2021 года стала вядома, што клуб пакінуў увесь трэнерскі штаб^[1]

Папярэднія назвы

2002—2007: «Цуккамбінат»
з 2008: «Гарадзея»

Дасягненні

Пераможца чэмпіянату Мінскай вобласці: 2006
Пераможца Другой лігі чэмпіянату Беларусі: 2010
Найлепшае дасягненне ў Вышэйшай лізе — 7 месца (2019)

Цяперашні склад

Станам на снежань 2020 года, згодна з афіцыйным сайтам клуба^[2].


№	Паз.	Імя	Нар.
1	Бр	Ігар Даўгяла	1985
16	Бр	Андрэй Саковіч	1992
24	Бр	Арцём Захараў	2002
32	Бр	Сяргей Чэрнік	1988
95	Бр	Максім Макараў	2001

3	Аб	Дзмітрый Ігнаценка	1995
7	Аб	Максім Смірноў	2000
8	Аб	Сяргей Усеня	1988
17	Аб	Альберт Габараеў	1997
27	Аб	Яніс Лінда	1994
30	Аб	Дзяніс Ясковіч	1995
72	Аб	Аляксандр Пазняк	1994
91	Аб	Ілья Лукашэвіч	1998

11	ПА	Андрэй Сарокін	1996
19	ПА	Міхаіл Шыбун	1996


№	Паз.	Імя	Нар.
20	ПА	Дзмітрый Байдук	1996
21	ПА	Юрый Валовік	1993
28	ПА	Лазар Сайчыч	1996
35	ПА	Сяргей Пушнякоў	1993
41	ПА	Павел Пашэвіч	2001
53	ПА	Арцём Валовіч	1999
99	ПА	Аляксандр Булычоў	1999
	ПА	Ілья Баглай	1998

5	Нап	Дзідзін Мухамед-Джухары	1999
10	Нап	Ян Сянкевіч	1995
23	Нап	Джамал Дзібіргаджыеў	1996
77	Нап	Арцём Васільеў	1997
94	Нап	Сяргей Архіпаў	1996
	Нап	Расціслаў Шавель	2001

Рэзервовы склад


№	Паз.	Імя	Нар.
	Бр	Андрэй Астрэйка	1999

	Аб	Мацвей Барысевіч	2003
	Аб	Уладзіслаў Ісар	2001
	Аб	Уладзіслаў Козіч	2001
	Аб	Станіслаў Краеўскі	2001
	Аб	Яўген Кудраўцаў	2001
	Аб	Павел Рацкевіч	2002

2	ПА	Аляксей Салавей	2000
	ПА	Даніла Дзьячэнка	2003
	ПА	Дзмітрый Ільчук	2002


Паз.	Імя	Нар.
ПА	Раман Курэйчык	2000
ПА	Мікіта Ліпніцкі	2003
ПА	Яўген Ляўданскі	2003
ПА	Яўген Максімовіч	2000
ПА	Уладзіслаў Марозаў	2001
ПА	Даніла Скачко	2002
ПА	Вадзім Шаркоў	2001

Нап	Ілья Крэнь	2001
Нап	Павел Пахажай	2001
Нап	Ілья Татарыновіч	2003

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2007	Чэмпіянат Мінскай вобласці, гр.Б (Д4)	2	18	11	4	3	57–21	37	1/32 фіналу
2008	Другая (Д3)	7	30	12	8	10	43–39	44	1/32 фіналу
2009	Другая (Д3)	2	26	16	4	6	42–23	52	1/16 фіналу
2010	Другая (Д3)	1	34	27	3	4	112–29	84	1/8 фіналу	Выхад у Першую лігу
2011	Першая (Д2)	3	30	16	7	7	51–31	55	1/16 фіналу
2012	Першая (Д2)	2	28	18	6	4	49–21	60	1/8 фіналу
2012	Пераходныя матчы¹		2	1	0	1	1–4		1/8 фіналу
2013	Першая (Д2)	2	30	18	6	6	68–32	60	Чвэрцьфінал
2013	Пераходныя матчы²		2	0	1	1	1–3		Чвэрцьфінал
2014	Першая (Д2)	6	30	11	12	7	42–26	45	1/8 фіналу
2015	Першая (Д2)	2	30	21	5	4	73–25	68	1/16 фіналу	Выхад у Вышэйшую лігу
2016	Вышэйшая (Д1)	9	30	8	14	8	36–39	38	1/8 фіналу
2017	Вышэйшая (Д1)	9	30	8	14	8	37–35	38	1/8 фіналу
2018	Вышэйшая (Д1)	9	30	9	7	14	31–33	34	1/8 фіналу
2019	Вышэйшая (Д1)	7	30	12	8	10	31–29	44	1/16 фіналу
2020	Вышэйшая (Д1)	13	30	8	7	15	30–48	31	1/8 фіналу

¹ Пераходныя матчы за месца ў Вышэйшай лізе супраць «Тарпеда-БелАЗ», апошняй каманды Вышэйшай лігі 2012.
² Пераходныя матчы за месца ў Вышэйшай лізе супраць «Дняпра», перадапошняй каманды Вышэйшай лігі 2013.

Галоўныя трэнеры

Георгій Барадулін (2004 — 2006)
Андрэй Мікалаевіч (2006 — студзень 2012)
Алег Кузьмянок (студзень 2012 — студзень 2013)
Андрэй Кіпра (студзень 2013 — май 2014)
Сяргей Яромка (май 2014 — чэрвень 2019)
Алег Радушка (з чэрвеня 2019)

Зноскі

↑ Весь тренерский штаб «Городеи» покинул клуб (руск.). Tribuna.com Беларусь у Facebook (16 студзеня 2021). Праверана 18 студзеня 2021.
↑ Основной состав

Спасылкі

Афіцыйны сайт клуба (руск.)
Профіль на сайце weltfussballarchiv.com (англ.)
Профіль на сайце wildstat.ru (руск.)
Профіль на сайце teams.by (руск.)

Шаблон:Склад ФК Гарадзея

[1] Весь тренерский штаб «Городеи» покинул клуб (руск.). Tribuna.com Беларусь у Facebook (16 студзеня 2021). Праверана 18 студзеня 2021.

[2] Основной состав

[1]

[2]