Рычард Лоўрэнс Мілінгтан Сінг
Appearance
![](http://upload.wikimedia.org/wikipedia/commons/thumb/4/45/Richard_Laurence_Millington_Synge.jpg/220px-Richard_Laurence_Millington_Synge.jpg)
Рычард Лоўрэнс Мілінгтан Сінг (анг. Richard Laurence Millington Synge) (28 кастрычніка 1914, Ліверпуль - 18 жніўня 1994, Норыдж) — англійскі біяхімік, член Лонданскага каралеўскага таварыства (1950).
Біяграфія
Скончыў Кембрыджскі ўніверсітэт (1936). У 1941-1943 гадах працаваў у Асацыяцыі ваўнянай прамысловасці, з 1943 года - у Лістэраўскім інстытуце прафілактычнай медыцыны ў Лондане. З 1948 года кіраўнік аддзела біяхіміі і хіміі бялку Роўэцкага даследчага інстытута (Баксберн, Абердзіна). З 1967 года ў інстытуце прадуктаў харчавання ў Норыджы.
Асноўныя працы
Распрацаваў тэарэтычныя асновы метаду размеркавальнай храматаграфіі і ўвёў яго ў практыку; адзін з заснавальнікаў аналітычнай хіміі бялкоў.
Нобелеўская прэмія
Нобелеўская прэмія па хіміі (1952, сумесна з А.Дж. П.Марцінам).
Літаратура
- Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — 512 с. — 10 000 экз. — ISBN 985-11-0238-5 (Т. 14).