Анры Русо

Анры Жульен Фелікс Русо (фр.: Henri Julien Félix Rousseau, па мянушцы Le Douanier, "Мытнік"; 21 мая 1844-2 верасня 1910) — французскі жывапісец-самавук, адзін з самых вядомых прадстаўнікоў наіўнага мастацтва, або прымітывізму.

Біяграфія

Анры Русо нарадзіўся 21 мая 1844 г. у мястэчку Лаваль (дэпартамент Маен), у сям'і рабочага. Пасля службы ў арміі уладкаваўся на працу ў французскую мытню. Жывапісам стаў займацца ўжо ў сталым узросце, не маючы адпаведнай адукацыі.

У 1886 г. Русо ўпершыню паказвае свае працы шырокай публіцы, удзельнічаючы ў "Выставе незалежных". Ужо пры жыцці ў мастацкім супольнасці Францыі яго высока шанавалі за каларыстычнае багацце работ і арыгінальныя сюжэты (Русо часта малюе экзатычныя джунглі, якіх ён ніколі ў жыцці не бачыў).

Мастак памёр ад гангрэны 2 верасня 1910 года ў парыжскай бальніцы Некера, пасля таго як параніў сабе нагу.

Надмагільны барэльеф на магіле Анры Русо выканаў вялікі французскі скульптар румынскага паходжання, Канстанцін Бранкузі.

Галерэя

• 
  Карнавальны вечар, 1886
• 
• 
  Від моста ў Сеўры, 1908
• 
• 
• 
• 
  Муза, што натхняе паэта, 1909
• 
  Напад ў джунглях, 1891
• 
• 
  Цыганка ў сне, 1897
• 
  Заклінальніца змей, 1907
• 
  Партрэт-пейзаж, 1890