Субантарктычны пояс

Субантаркты́чны по́яс, cубантарктыка — прыродны геаграфічны пояс у Паўднёвым паўшар’і, які мяжуе з антарктычным поясам (Антарктыкай) на поўдні і ўмераным поясам на поўначы.

Увесь пояс — акіянічны, з мноствам невялікіх астравоў. Выразных межаў пояс не мае. Паўднёвая мяжа — паўночная частка або мяжа Паўднёвага акіяна (Цячэнне Заходніх вятроў), на поўначы да субантарктычных астравоў часам адносяць Трыстан-да-Кунья і Амстэрдам з умераным марскім кліматам. Мяжа паміж 65—67 ° і 58—60 ° паўднёвай шыраты. Пояс характарызуецца моцнымі вятрамі, атмасфернымі ападкамі — каля 500 мм у год. У паўночнай частцы пояса ападкаў больш. Салёнасць вады на працягу года мяняецца мала (33—34 ‰).

Флора і фаўна ўласцівыя і антарктычнаму поясу, і ўмеранаму, але ёсць і эндэмічныя віды. Воды багатыя на рыбу, крыль і планктон, распаўсюджаныя кіты, ля астравоў — цюлені і пінгвіны, шмат птушак.

Літаратура

• Яротаў А. Я. Субантаркты́чны по́яс, субантарктыка // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 238. — 10 000 экз. — ISBN 985-11-0035-8. — ISBN 985-11-0251-2 (т. 15).
• Субантарктический пояс // Галай И. П. География: термины и понятия: словарь для учащихся и абитуриентов / И. П. Галай, Е. И. Галай. — Мн.: Белкартография, 2011. — С. 179—180. — 223 с. — 1 000 экз. — ISBN 978-985-508-082-5. (руск.)
• Субантаркты́чны по́яс // Геаграфічныя паняцці і тэрміны: Энцыклапедычны даведнік / Беларус. Энцыкл.; Рэдкал.: М. М. Курловіч і інш. — Мн.: БелЭн, 1993. — С. 276. — 333 с. — (Энцыкл. б-чка школьніка). — 14 000 экз. — ISBN 5-85700-085-8.
• Субантарктический пояс // Большая советская энциклопедия. — М. : Советская энциклопедия, 1969—1978. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Сорокина В. Н., Гущина Д. Ю. География климатов (Праверана 22 ліпеня 2023) / Московский государственный университет имени М. В. Ломоносова. — М.: Издательство Московского университета, 2006. — С. 4, 57—59. (руск.)

Спасылкі

• Роман Кравченко Субантарктический климатический пояс // ECOPORTAL (руск.)
• Основные климатические зоны мира — классификация, карта и описание типов климата по Алисову // Сайт Природа Мира (руск.) (Праверана 22 ліпеня 2023)
• Климатические пояса мира — классификация, карта, описание типов климата, фото и видео // Научно-популярный журнал «Как и Почему» (руск.) (Праверана 23 ліпеня 2023)