Джордж Фрост Кенан

Джордж Фрост Кенан (16 лютага 1904 - 17 сакавіка 2005) — амерыканскі дыпламат, палітолаг і гісторык, заснавальнік Інстытута Кенан падраздзялення Woodrow Wilson International Center for Scholars. Найбольш вядомы, як ідэйны бацька «палітыкі стрымлівання» часоў Халоднай вайны. Аўтар прац па гісторыі ўзаемаадносін СССР і краін Захаду. Унучаты пляменнік Джорджа Кенана, вядомага сувязямі з расійскімі рэвалюцыянерамі ў 1890-х гадах.

Джордж Фрост Кенан
George F. Kennan
Пасол ЗША ў Савецкім Саюзе 14 мая 1952 — 19 верасня 1952
Папярэднік	Alan G. Kirk
Пераемнік	Charles E. Bohlen
Пасол ЗША ў Югаславіі 16 мая 1961 — 27 ліпеня 1963
Папярэднік	Karl L. Rankin
Пераемнік	Charles Burke Elbrick
Нараджэнне	16 лютага 1904(1904-02-16) Мілуокі, акруга Мілуокі[d], Вісконсін, ЗША[…]
Смерць	17 сакавіка 2005(2005-03-17) (101 год) Прынстан, акруга Мерсер[d], Нью-Джэрсі, ЗША[…]
Месца пахавання	Прынстанскія могілкі[d]
Бацька	Kossuth Kent Kennan[d]
Член у	Амерыканская акадэмія мастацтваў і навук Амерыканская акадэмія мастацтваў і літаратуры[d]
Адукацыя	Прынстанскі ўніверсітэт HU Berlin St. John's Northwestern Military Academy[d]
Дзейнасць	міжнародныя адносіны
Месца працы	Інстытут перспектыўных даследаванняў[d]
Узнагароды	Прэзідэнцкі медаль Свабоды
Медыяфайлы на Вікісховішчы

Біяграфія

У 1925 годзе, адразу пасля заканчэння Прынстанскага ўніверсітэта, Кенан паступіў на дыпламатычную службу. Пасля нядоўгага знаходжання ў Жэневе ён даведаўся, што можа навучыцца тры гады ў аспірантуры аднаго з еўрапейскіх універсітэтаў пры ўмове, што будзе вывучаць якую-небудзь рэдкую мову. Кенан абраў рускую, бо ў яго была магчымасць атрымаць прызначэнне на працу ў Савецкі Саюз, а таксама прытрымліваючыся сямейнай традыцыі, пачатак якой паклаў стрыечны брат яго дзеда, у памяць аб якім пасля дапаможа заснаваць пры Міжнародным цэнтры Вудра Вільсана Інстытут перспектыўных расійскіх даследаванняў імя Кенана. Пасля завяршэння аспірантуры Дж. Ф. Кенан працягнуў дыпламатычную службу за мяжой - у Таліне і Рызе. Дзе б ён ні працаваў, ён усюды шмат падарожнічаў, што дапамагала яму лепш даведацца пра народ і культуру краіны. У 1933 годзе Кенан прыехаў у Маскву ў якасці перакладчыка Вільяма C. Буліта, першага пасла ЗША ў Савецкім Саюзе.

Затым была служба ў Берліне, Вене, Празе, Лісабоне і Лондане. Але ў цэнтры ўвагі Кенана па-ранейшаму заставаўся СССР. Менавіта з Масквы ён пасылае «доўгую тэлеграму», у якой заклікае ўрад Злучаных Штатаў цвёрда выступіць супраць савецкай экспансіі ва Усходняй Еўропе. Затым, у ліпені 1947 года, у часопісе «Міжнародныя адносіны» з'явілася эсэ за подпісам нейкага «Х», у якім выкладалася стратэгія стрымлівання, неўзабаве увасобленая ў жыццё. Значэнне гэтай стратэгіі цяжка пераацаніць: яна аказала ўплыў на выпрацоўку амерыканскай дактрыны на наступныя 40 гадоў, абумовіла палітыку іншых дзяржаў у адносінах да Амерыкі і, нарэшце, легла ў аснову шматлікіх важных дыпламатычных і палітычных пачынанняў, такіх, як дактрына Трумэна, план Маршала, НАТА і Берлінскі паветраны мост.

Гл. таксама

• Дактрына Трумэна

Літаратура

• БЭ ў 18 тамах., Т.8. Мн., 1999, С.227

Спасылкі

• Д. Ф. Кенан «Вытокі савецкіх паводзін»
• «Доўгая тэлеграма» Архівавана 10 мая 2010.