Адмоўны лік

Адмо́ўны лік — рэчаісны лік, меншы за нуль. На рэчаіснай восі адмоўным лікам адпавядаюць пункты злева ад нуля.

Гэты тэрмометр паказвае адмоўную тэмпературу ў Фарэнгейтах (−4 °F).

Адмоўнасць ліку пазначаецца знакам «-», які ставіцца перад яго лічбавым абазначэннем, напрыклад:

$-1$ (чытаецца «мінус адзін»)

$-23$ (чытаецца «мінус дваццаць тры») і г.д.

Адмоўныя лікі на лікавай восі

Адмоўным лікам з'яўляецца:

• сума адмоўных лікаў
• здабытак або дзель дадатнага і адмоўнага ліку.

Для кожнага адмоўнага ліку існуе адзіны процілеглы да яго дадатны лік, гэта значыць лік, які роўны яму па абсалютнай велічыні, але мае процілеглы знак.

Гл. таксама

• -1
• Дадатны лік