Уладзімер Конан
| Уладзімер Конан лац. Uładzimier Konan | |
| Дата нараджэньня | 23 красавіка 1934 |
|---|---|
| Месца нараджэньня | в. Вераскава Наваградзкі раён, Гарадзенская вобласьць |
| Дата сьмерці | 6 чэрвеня 2011 (77 гадоў) |
| Месца сьмерці | Менск |
| Асноўныя зацікаўленасьці | эстэтыка |
Уладзімер Міхайлавіч Конан (23 красавіка 1934 в. Вераскава Наваградзкі раён — 6 чэрвеня 2011, Менск) — беларускі філёзаф, літаратуразнаўца, крытык, культуролаг. Доктар філязофскіх навук. Сябра Саюзу беларускіх пісьменьнікаў.
Выпускнік гістарычнага факультэту Беларускага дзяржаўнага ўнівэрсытэту (1959). Ад 1962 году працаваў у Інстытуце філязофіі і права АН Беларусі[1]. У 1991 годзе стаў загадчыкам аддзелу гісторыі і тэорыі культуры Нацыянальнага навукова-асьветнага цэнтру імя Францішка Скарыны[2]. Доктар філязофскіх навук па спэцыяльнасьці «эстэтыка» (1982). Ляўрэат Дзяржаўнай прэміі Беларусі ў 1984 годзе за ўдзел у напісаньні цыклю калектыўных манаграфіяў па гісторыі філязофскай і грамадзка-палітычнай думкі Беларусі (апублікаваныя ў 1973—1980). Дасьледаваў тэарэтыка-мэтадалягічныя праблемы філязофіі і культуралёгіі, гісторыю эстэтычнай думкі, гісторыю беларускай культуры, беларускі фальклёр.
Аўтар працаў «Разьвіцьцё эстэтычнай думкі ў Беларусі (1917—1934 гг.)» (1968), «Ад Рэнэсансу да клясыцызму» (1978), «Сьвятло для людзей: Родная мова і культура ў эпоху перабудовы» (1989), «Сьвятло паэзіі і цені жыцьця: Лірыка Максіма Багдановіча» (1991) і іншых.
У 1998 годзе менская студыя дакумэнтальных фільмаў «Летапіс» зьняла дакумэнтальны фільм пра Ўладзімера Конана «Згадкі страчанага раю»[3]
Крыніцы
[рэдагаваць | рэдагаваць крыніцу]- ^ Конан Уладзімір / Культуралогія: Энцыклапедычны даведнік / Уклад. Дубянецкі Э. — Менск: БелЭн, 2003. ISBN 985-11-0277-6.
- ^ Памёр філосаф Уладзімір Конан. Саюз беларускіх пісьменнікаў (6 чэрвеня 2011).
- ^ Мароз У. Фільм пра Конана і яго партрэт да 80-годдзя з дня нараджэння // Літаратурная Беларусь. — Новы час, 2014. — № 21 (390). — С. 3.
Вонкавыя спасылкі
[рэдагаваць | рэдагаваць крыніцу]- Памёр Уладзімер Конан. Радыё Свабода (6 чэрвеня 2011).