Труа-Рыўер

	Труа-Рыўер
	франц. Trois-Rivières
Герб Труа-Рыўеру	Сьцяг Труа-Рыўеру
Дата заснаваньня:	4 ліпеня 1634 і 1 студзеня 2002
Краіна:	Канада
Правінцыя:	Квэбэк
Рэгіён:	Марысі
Плошча:	288,92 км²;
Вышыня:	16 м н. у. м.
Насельніцтва:	▲142 598 чал. (1 ліпеня 2022);
Геаграфічныя каардынаты:	46°21′0″ пн. ш. 72°33′0″ з. д. / 46.35° пн. ш. 72.55° з. д.Каардынаты: 46°21′0″ пн. ш. 72°33′0″ з. д. / 46.35° пн. ш. 72.55° з. д.
	Труа-Рыўер на мапе Канады Труа-Рыўер
	Галерэя здымкаў у Вікісховішчы
	https://www.v3r.net/

Труа-Рыўер (па-француску: Trois-Rivières) — горад у Канадзе, месьціцца ў правінцыі Квэбэк у месцы зьліцьця рэкаў Сэн-Марыс і Сьвятога Ляўрэнція. Горад разьмешчаны ў адміністрацыйным рэгіёне Марысі, на паўночным беразе ракі Сьвятога Ляўрэнція насупраць гораду Бэканкур. Труа-Рыўер зьяўляецца эканамічным і культурным цэнтрам свайго рэгіёну. Ён быў заснаваны 4 ліпеня 1634 году, стаўшы, такім чынам, другім сталым паселішчам у Новай Францыі^[2], пасьля гораду Квэбэк у 1608 годзе.

Гісторыя

На працягу доўгага часу на тэрыторыі сучаснага гораду жылі індзейцы плямёнаў алганкіны й абэнакі. Францускі дасьледчык Жак Карт’е апісаў месца падчас свайго другога падарожжа ў Новы сьвет у 1535 годзе. Назва гораду, аднак, была дадзена толькі ў 1599 годзе, капітанам Франсуа Гравэ Дзю Понам, і ўпершыню стала ўжывацца пра стварэньні мапаў у 1601 годзе.

Дзякуючы свайму стратэгічнаму становішчу, горад меў важную ролю ў калёніі ў гандлі мехам. Пасёлак стаў рэзыдэнцыяй рэгіянальнага ўраду ў 1665 годзе. Урсулінкі прыбылі ў паселішча ў 1697 годзе, стварылі ў ім першую школу й дапамаглі мясцовым місыянэрам зьвярнуць у хрысьціянства мясцовых абарыгенаў і мэтысаў.

У 1760 годзе горад быў захоплены Вялікабрытаніяй.

Эканоміка

Труа-Рыўер зьяўляецца найстарэйшым прамысловым горадам Канады, дзякуючы стварэньню ў 1738 годзе першай у краіне гiсэрні^[3]. Першая інфраструктура для порту была пабудавана ў 1818 годзе недалёка ад вуліцы Сэн-Антуан, а сёньня гарадзкі порт апрацоўвае 2,5 млн тон грузаў штогод^[4]. Першая чыгунка была пабудавана ў 1879 годзе для падтрымкі лесапрамысловасьці^[5].