Міхаіл Гарбачоў (футбаліст)
| Міхаіл Гарбачоў | ||
| ||
| Пэрсанальная інфармацыя | ||
|---|---|---|
| Нарадзіўся | 29 ліпеня 1983[1] (41 год) | |
| Рост | 183 см | |
| Вага | 81 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2000 | РВАР[d] | 6 (0) |
| 2001—2006 | Белшына | 112 (7) |
| 2007—2012 | Нафтан | 159 (13) |
| 2013—2015 | Белшына | 70 (2) |
| 2016—2017 | Нафтан | 45 (1) |
| 2018 | Белшына | 1 (0) |
| 2018 | Ліда | 14 (0) |
| Зборныя | ||
| 2002—2004 | Беларусь (да 21) | 5 (1) |
Міхаіл Гарбачоў (нар. 29 ліпеня 1983 году, Касьцюковічы, БССР) — колішні беларускі футбаліст, абаронца.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Дзяцінства правёў у Качэрычах, дзе і пачаў займацца футболам[2]. У веку 16 гадоў выправіўся ў вучэльню алімпійскай рэзэрвы ў Бабруйску, некаторы час гуляў у менскім РВАР. У складзе «Белшыны» ў 2001 годзе стаў уладальнікам Кубка і чэмпіёнам Беларусі, а ў 2005 годзе пераможцам першынства Першай лігі. Пасьля таго, як «Белшына» заняла апошняе месца ў сэзоне Найвышэйшай лігі 2006 году, перайшоў у наваполацкі «Нафтан», дзе адразу стаў гульцом асноўнага складу і дапамог клюбу стаць уладальнікам Кубка краіны 2009 году. Быў абаронцам, але тым ня менш стаў у 2009 годзе адным з галоўных бамбардзіраў каманды.
У студзені 2013 году перайшоў у «Белшыну»[3]. У бабруйскім клюбе стаў выкарыстоўвацца на пазыцыі цэнтральнага абаронцы. У сьнежні 2013 году падоўжыў кантракт бабруйскім клюбам[4]. У сэзоне 2014 году працягваў гуляць на пазыцыі цэнтральнага абаронцы, дзе чаргаваўся з Арцёмам Бобухам і Валерам Каршакевічам. У красавіку—траўні і ў жніўні 2014 году адсутнічаў праз траўму. У сэзоне 2015 году заставаўся асноўным цэнтральным абаронцам каманды ды звычайна складаў зьвязку з Арцёмам Бобухам або Алегам Карамушкам. У студзені 2016 году стала вядома, што новае кіраўніцтва «Белшыны» плянуе разьвітацца з большай часткай гульцоў, у тым ліку і з Гарбачовым[5].
У лютым 2016 году падпісаў кантракт з «Нафтанам»[6], дзе стаў асноўным правым абаронцам. У студзені 2017 году падоўжыў кантракт з навапалачанамі[7]. У першай палове сэзону 2017 году гуляў у асноўным складзе на пазыцыі цэнтральнага абаронцы, але пазьней страціў месца ў складзе. У лютым 2018 году вярнуўся ў бабруйскую «Белшыну»[8]. Аднак, праз траўмы згуляў за бабруйскі клюб толькі ў адным матчы. У ліпені 2018 году перайшоў у клюб «Ліда»[9], які пакінуў у лістападзе 2018 году[10].
У ліпені 2020 году паводле вынікаў крымінальнай справы аб дамоўных матчах быў прысуджаны да 3 гадоў абмежаваньня волі[11], а ў жніўні быў пажыцьцёва дыскваліфікаваны АБФФ[12].
Міжнародная
[рэдагаваць | рэдагаваць крыніцу]У 2004—2005 гадох выклікаўся ў моладзевую зборную Беларусі, у складзе якой удзельнічаў у кваліфікацыі да моладзевага чэмпіянату Эўропы 2006 году. Але зборная, заняўшы 4-е месца ў групе, ня трапіла на чэмпіянат.
Дасягненьні
[рэдагаваць | рэдагаваць крыніцу]- Чэмпіён Беларусі: 2001
- Уладальнік Кубка Беларусі: 2001
- Уладальнік Кубка Беларусі: 2009, 2012
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Белшына | 2015 | Найвышэйшая ліга | 19 | 1 |
| Нафтан | 2016 | Найвышэйшая ліга | 27 | 1 |
| 2017 | Найвышэйшая ліга | 18 | 0 | |
| Белшына | 2018 | Першая ліга | 1 | 0 |
| Ліда | 14 | 0 | ||
Крыніцы
[рэдагаваць | рэдагаваць крыніцу]- ^ а б в Mikhail Gorbachev // Transfermarkt (мн.) — 2000.
- ^ «Молодежь пошла обезбашенная. Парень только деньги получил – и сразу всё слил на контору». Главный домосед белфутбола
- ^ Горбачев близок к переходу в «Белшину» (рас.)
- ^ Михаил Горбачёв продлил на год контракт с «Белшиной» Архівавана 4 сакавіка 2016.
- ^ Михаил Горбачев: «Грустно, что в бобруйский футбол приходят «левые» люди, которые строят из себя непонятно кого»
- ^ Михаил Горбачев и Сергей Кондратьев заключили контракты с «Нафтаном», Руслан Гунчак продлил соглашение (рас.)
- ^ Лавал и Горбачев продлили контракты с "Нафтаном"
- ^ Горбачев вернулся в «Белшину» (рас.)
- ^ «Лида» подписала Горбачева и арендовала у «Немана» Вегерю (рас.)
- ^ Гнедько и Горбачев покинули «Лиду» (рас.)
- ^ Оглашены приговоры участникам дела о договорных матчах. Алексея Козлова взяли под стражу в зале суда
- ^ Захар Волков дисквалифицирован на два года. Кажется, это решение принято в не самый подходящий момент Праверана 30 чэрвеня 2021 г. Архіўная копія ад 9 сакавіка 2022 г.
Вонкавыя спасылкі
[рэдагаваць | рэдагаваць крыніцу]- Профіль на сайце «Белшыны»(недаступная спасылка) (рас.)
- Профіль на афіцыйным сайце «Нафтану»(недаступная спасылка)
- Статыстыка на сайце transfermarkt.de
- Статыстыка «ПБ-Инфо» (рас.)