Прагляд крыніцы для Наваградзкі гісторыка-краязнаўчы музэй

== Экспазыцыя ==
Плошча экспазыцыі складае 350 м². Фонды музэю налічваюць 22 тыс. адзінак захаваньня. Экспазыцыя адлюстроўвае найбольш значныя падзеі гісторыі места і [[Наваградзкі раён|раёну]], расказвае пра выдатных людзей, чыё жыцьцё і дзейнасьць зьвязаныя з Наваградчынай.

Экспазыцыя знаёміць з утварэньнем [[ВКЛ|Вялікага Княства Літоўскага]]: каранацыяй [[Міндоўг]]а, дзейнасьцю [[Вялікі літоўскі князь|вялікіх князёў]] [[Войшалк]]а, [[Гедымін]]а, [[Вітаўт]]а й інш., расказвае аб расьсяленьні [[Ліпкі (этнаграфічная група)|татараў]] на Наваградчыне, аб стварэньні [[праваслаўе|праваслаўнай]] мітраполіі ў ВКЛ і да т. п. На падставе дакумэнтаў і [[дыярама]]ў паказаныя зьмены ў статусе места ў сувязі з атрыманьнем ім [[Магдэбургскае права|магдэбургскага права]], герба, пасяджэньнямі [[Галоўны трыбунал ВКЛ|Галоўнага трыбуналу ВКЛ]], а таксама войнаў, якія прывялі да разбурэньня [[Наваградзкі замак|Наваградзкага замку]], падзеі паўстаньняў [[Паўстаньне 1830—1831 гадоў|1831]] і [[Паўстаньне 1863—1864 гадоў|1863]] гадоў.

Музэй мае багатую [[Этнаграфія|этнаграфічную]] калекцыю, творы народнага мастацтва (жаночы і мужчынскі строі, тканыя посьцілкі, дзяругі, настольнікі, вышываныя ручнічкі, сурвэткі, гліняны і драўляны посуд).

Асобнымі тэмамі пададзена дзейнасьць у міжваенны пэрыяд у Наваградку дзяржаўнай польскай і прыватнай [[Наваградзкая беларуская гімназія|беларускай гімназій]].

Значная плошча адведзена паказу нямецкай акупацыі Наваградчыны ў гады І і ІІ сусьветных войнаў: удзелу жыхароў у ваенных дзеяньнях; рэжыму акупацыі; [[Наваградзкае гета|трагедыі жыдоўскай грамады]] места; супярэчліваму руху супраціву, у якім удзельнічалі савецкія партызанскія атрады, фармаваньні [[Армія Краёва|Арміі Краёвай]], жыдоўскі партызанскі аддзел [[Язэп Бельскі|Бельскага]] й інш.

У музэі створаны мэмарыяльны разьдзел з архіву былога выпускніка беларускай гімназіі, ганаровага грамадзяніна Наваградку, вядомага ў сьвеце навукоўца ў галіне астранаўтыкі [[Барыс Кіт|Барыса Кіта]].